Inhabilitazioa bertan behera uzteko eskatuko dio Torrak Gorenari helegite batean
Auzitegi Gorenaren aurrean helegitea aurkeztuko duela jakinarazi dio Quim Torra Generalitateko presidenteak Bartzelonako Hauteskunde Batzordeari. Hauteskunde Batzorde Nagusiaren ebazpena behin-behinean bertan behera uztea eskatu dio Torrak Gorenari. Diputatu akta kentzeko eta inhabilitazioa aplikatzeko agindua eman zuen ostiralean.
Ostiraleko ebazpena betetzeko eta inhabilitazioa aplikatzeko ekinbiderik aurrera ez eramateko eskatu dio Torrak Bartzelonako Hauteskunde Batzordeari idatzi batean.
Ehunka manifestarik elkarretaratzea egin dute Espainiako Poliziaren egoitza nagusiaren aurrean, Bartzelonan. Pailazo sudurrak jantzita protesta egin dute, "kokoteraino gaude" lelopean.
SomRiure kolektiboak deituta, zenbait zutabe Bartzelonako Comercial plazatik abiatu dira, Born Kultura eta Memoria Zentroaren aurretik. Bertatik Via Laietanara jo dute, Espainiako Poliziaren egoitza nagusira arte. ANCk protestarekin bat egin du.
Pailazo sudurraz jantzita zeuden manifestari batzuek honako leloa zuten kartelak erakutsi dituzte: "kokoteraino gaude". Era berean, bandera independentistak astindu dituzte.
Elkarretaratzea Bartzelonan. Argazkia: EFE/Enric Fontcuberta
Poliziaren egoitzara heldu direnean, koreografia bat egin dute, Jordi Pesarrodona Sant Joan de Vilatorradako (Bartzelona) zinegotziak zuzenduta.
Independentziaren aldeko eta "okupazio indarren" aurkako leloez gain, "paselo bien", "estaca" eta "pailazorik gabe ez dago iraultzarik" abestu dute.
Martxan istiluak saihesteko, ANCko boluntarioek hesi bat osatu dute, eta manifestarien eta Poliziaren egoitzako atearen artean kokatu dira. Espainiako poliziak eta Esquadra Mossoak ere zabaldu dira zonaldean.
ANCk manifestazioa deitu du 16:30erako Ciudadela parkean, Quim Torra Generalitateko presidenteari babesa emateko, Hauteskunde Batzorde Nagusia ostiralean inhabilitazioaren alde agertu ondoren desobedientzia delitua egotzita.
Ordu berean osoko bilkura hasiko da Kataluniako Parlamentuan, Hauteskunde Batzorde Nagusiaren erabakia errefusatzeko.
Zure interesekoa izan daiteke
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Extremadurako bozek hauteskunde ziklo berri bat abiatuko dute gaur Espainiako Estatuan
09:00etan zabaldu dituzte hauteslekuak. 890.985 herritarrek dute botoa emateko eskubidea: 556.424k Badajozen eta 334.561ek Caceresen. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa jasoko du. Voxek eta Unidasek, aldiz, gora egingo dute, inkestek iragarritakoa betez gero.
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".