Espainiako lehen koalizio Gobernuaren osaketa bihar iragartzea espero dute
Pedro Sanchez presidentegaiak Gobernu berriaren osaketa bihar, asteazkena, jakinarazteko asmoa du, erregearen aurrean karguaren promesa egin ondoren, beti ere inbestiduraren bigarren bozketan Kongresuak presidente izendatzen baldin badu, ezustekorik ezean.
Exekutibo berria berehala osatu eta martxan jartzeko asmoa dute, demokraziako aurreneko koalizio Gobernuaren lehen Ministro Kontseilua aste honetan bertan egin ahal izateko, Ahora Podemoseko eta Exekutiboko iturriek baieztatu dutenez.
Espero bezala, asteartean Sanchezek aldeko kontrako baino boto gehiago lortzen baldin baditu, Meritxell Batet Ganberako presidentea Zarzuela jauregira joango da, inbestidura eztabaidaren emaitza formalki erregeari jakinarazteko.
Estatuburuak Sanchez Espainiako Gobernuko presidente izendatzeko errege-dekretua sinatu behar du, eta neurria Estatuko Aldizkari Ofizialean argitaratu bezain laster indarrean sartuko da. Ondoren, Sanchezek karguaren promesa egin ahal izango du bihar goizean.
Arratsaldean, koalizio Gobernu berriaren osaketa jakitera ematea espero da.
Ministroak iragartzeko Moncloa jauregian Pedro Sanchezek eta Pablo Iglesiasek elkarrekin agerraldia egiteko aukera PSOEren eta Unidas Podemosen mahai gainean dago, baina oraindik ez dute erabakirik hartu.
Unidas Podemoseko presidenteordea eta lau ministroak. Argazkia: EFE
Hiru presidenteordetza, eta Unidas Podemoseko lau ministro
Iglesiasek presidenteorde soziala, Carmen Calvo presidenteorde nagusia eta Nadia Calviño presidenteorde ekonomikoa izango dira.
Baieztapen ofizialaren faltan, Unidas Podemosen gainerako ministerioak hauek izango lirateke: Manuel Castells soziologo eta ekonomialaria Unibertsitate ministroa izango da; Alberto Garzon Kontsumo ministroa; Irene Montero Berdintasun ministroa eta Yolanda Diaz Lan ministroa.
Gobernuaren osaketa iragarri ondoren, ostegunean Estatuko Aldizkari Ofizialak ministroen izendapenak argitaratuko lituzke, eta egunean bertan kargua betetzea hitzemango lukete erregearen aurrean, Zarzuela jauregian, eta segidan karguaz jabetuko lirateke.
Horrela, Ministro Kontseilu berriaren aurreneko bilera ostiralean egingo litzateke, Exekutiboko iturriek baieztatu dutenez.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.