PSOEk A10eko emaitzak apur bat hobetuko lituzke, PPk eta Csk behera egingo lukete
Hauteskunde orokorrak gaur egingo balira, Alderdi Sozialistak irabaziko lituzke berriro, A10eko bozetan lortutako emaitzak apur bat hobetuta, gainera. Hala ondorioztatu du Ikerketa Soziologikoen Zentroak (CIS) egindako azken inkestak.
Boto estimazioari buruzko galdeketak honako emaitzak aurreikusi ditu: PSOEk boto-emaileen % 28,3ren babesa izango luke, A10ean baino hiru hamarren gehiago, eta Alderdi Popularrari 8,3 puntuko aldea aterata. PPk botoen % 20 eskuratuko luke, azaroko hauteskunde orokorretan baino zortzi hamarren gutxiago. Ciudadanosek ere (Cs) behera egingo luke: A10ean lortutako botoen % 6,8tik % 5,6ra igarota.
Koalizio gobernuaren bazkideak, Unidas Podemosek, azken bozetan lortutako emaitza bertsuak eskuratuko lituzke, hots, botoen % 12,8.
Bestalde, Voxek hirugarren indar izaten jarraituko luke, botoen % 12,5ekin (antzeko babesa eskuratu zuen azaroan).
Euskal alderdiak, berdintsu
ERC izango litzateke Kongresuko bosgarren alderdia, botoen % 3,6ko estimazioarekin, hots, azaroan lortutako bertsua (% 3,61). JxCatek ere oso antzeko emaitzak lortuko lituzke (botoen % 2,2).
Euskal alderdiari dagokionez, EAJk eta EH Bilduk duela bi hilabete jasotako babesa eskuratuko lukete berriro: % 1,6 eta % 1,1, hurrenez hurren. A10ean, botoen % 1,57 eta % 1,15 jaso zuten. Navarra Suma koalizioak botoen % 0,4 eskuratuko luke.
Taldeka bereizita, ezkerrak (PSOE, Unidas Podemos eta Mas Pais kontuan hartuta) irabaziko lituzke hauteskundeak (botoen % 43,4); eskuinak (PP, Vox, Ciudadanos), aldiz, botoen % 40,8 lortuko luke.
Zure interesekoa izan daiteke
Estatuari Martxoak 3ko sarraskiaren erantzukizuna eskatzeak berriro aurrez aurre jarri ditu EAJ eta PSE-EE
EAJk eta EH Bilduk Espainiako Gobernuari eskatu diote aitor dezala Martxoak 3ko sarraskian izan zuen erantzukizun zuzena, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.