Ehunka pertsonak hartu dute parte Gregorio Ordoñezen omenaldian, Donostian
Gregorio Ordoñez politikariari omenaldia egin diote Donostian. Ehunka pertsonak hartu dute parte ekitaldian, Abuztuak 31 kalean. Hiriko alkateordea eta Gipuzkoako PPren presidentea duela 25 urte hil zuen ETAk. La Cepa tabernaren alboan plaka bat jarri dute, bertan hil zutelako.
Plakaren erreplika txiki bat familiari entregatu dio Eneko Goia alkateak udaletxean. Ondoren Abuztuak 31 kalean plaka jarri dute, Donostiako Alde Zaharrean, Ordoñez hil zuten tokian.
Udaletxetik 11:45 aldera abiatu dira Goia eta Udalbatzako talde politiko guztietako zinegotziak (EAJ, PSE, PP eta Elkarrekin Podemos), EH Bildu kenduta; Ana Iribar Ordoñezen alarguna eta Consuelo Ordoñez biktimaren arreba Coviteko presidentea. EH Bilduk ekitaldian ez parte hartzea eskatu zuen familiak, eta koalizioak senideen borondatea errespetatzea erabaki du.
Besteak beste, Alfonso Alonso, Amaya Fernandez (idazkari nagusia) eta Beatriz Fanjul (diputatua) PPko ordezkariak omenaldian izan dira. Alonso ez da Polloeko hilerrian egindako errespontsura heldu, errepidean istripuren bat aurkitu duelako.
Era berean, Fernando Savater filosofoa, Marta Buesa ETAk hildako Fernando Buesa buruzagi sozialistaren alaba, Ruben Mugica ETAk hildako Fernando Mugica buruzagi sozialistaren semea, Rafaela Romero PSE-EEko ordezkaria, Florencio Dominguez Terrorismoaren Biktimen Memoria Zentroko presidentea, Mikel Azurmendi Ermuko Foroaren sortzaileetako bat eta Martin Zabalza Eusko Jaurlaritzako Bake, Bizikidetza eta Giza Eskubideetarako zuzendariak hartu dute parte ekitaldian.
Plakaren aurrean, Iribarrek eta Ordoñezek lore eskaintza egin dute, eta ondoren elkarri besarkada eman diote. Hurbildu diren beste guztiek, banan-banan, arrosa horiak jarri dituzte ondoren. Hiriko txistulari taldeak ekitaldi hunkigarria girotu du.
Omenaldiaren ostean, "barruan zein kanpoan bizi izandako zirrara" azaldu nahi izan die Iribarrek kazetariei, "lagundu diguten pertsona guztiek horrela azaldu digutelako".
"Nahiz eta 25 urte geroago izan, bihotzean Gregoriorengatik plaka bat jartzea, benetan, ETAk hildako 850 biktima baino gehiagoren omenez jartzea da", adierazi du hunkituta.
Gainera, Ordoñezi egindako omenaldiak "oraindik jendeak bihotzean daramala demostratu du, eta azken garaietako gauza hunkigarrienetarikoa eta atseginenetarikoa izan da; hemen Donostiako bihotzean, Alde Zaharrean, Gregorio hil zuten tokian oraindik oroitzen eta faltan asko botatzen dutela mundu guztiak jakin dezala", gaineratu duenez.
Bestalde, une "oso hunkigarria" izan dela azpimarratu du Eneko Goia Donostiako alkateak. "Aste honek duela 25 urte hiri honetan gertatutakoa gogora ekarri digu, ordezkari bat hil zutela", erantsi du.
Albiste gehiago politika
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.