Otegi, jarduera ekonomikoen eteteaz: "Gauzak gaizki eta berandu egiten ari gara"
Oinarrizkoak ez diren jarduera ekonomikoak eteteko erabakia "berandu" datorrela azpimarratu du Arnaldo Otegi, EH Bilduko koorodinatzaile nagusiak, eguerdian egindako agerraldi telematikoan.
"Gauzak gaizki eta berandu egiten ari gara", salatu du du ordezkari abertzaleak. "Guk hasieratik esan genuen horrelako erabakiak hartu behar zirela, eta irainak baino ez genituen jaso", azaldu du.
Egoerak oraindik okerrera egingo duela ikusita, EH Bilduk pandemiari aurre egiteko prestatutako estrategia azaldu du Otegik, "estrategia koherentea, sinesgarria".
Estrategia horrek bi fase ditu. Lehenengoa, atzo Espainiako Gobernuak hartutako erabakia, hau da, oinarrizkoak ez diren jarduera ekonomikoak etetea. "Ez dugu inoiz eskatu ekonomia erabat gelditzea", zehaztu du Otegik, "baina baina jarduera % 50ean baino heren batean egon beharko litzateke".
Bigarren fasean "miaketa eta testaketa masiboa" egin beharko litzateke, pandemiaren gailurrera iristean lehen faseari noiz eta nola amaiera eman aztertzea, "Asiako herrialdeetan egiten ari diren bezala".
"Paraleloan, EAEn eta Nafarroan sektore ezberdinek osatutako mahaia osatu behar da, kristik ahalik eta baldintza onenetan ateratzeko neurriak proposatu eta adosteko", azaldu du EH Bilduko arduradunak.
Estrategia osoa "mailukadaren ideian" oinarrituta dagoela esan du Otegik, hau da, "birusaren hedapenari mailukada bat eman behar zaio", egoeratik ateratzen hasteko.
Sortu: "Hobe berandu inoiz ez baino"
Sortuk txalotu egin du Espainiako Gobernuak oinarrizkoak ez diren jarduera ekonomikoak eteteko hartutako erabakia; "hobe berandu inoiz ez baino", adierazi dute. Etenaldiak martxoaren 30etik, astelehena, apirilaren 9a arte, osteguna, iraungo duela adierazi zuen larunbatean Pedro Sanchez presidenteak.
Sorturen iritziz, erabakia "aspaldi" hartu beharrekoa zen, eta alarma egoera ezarri zenetik igarotako bi asteetan "milaka langile arriskuan" jarri direla salatu du, "kapitalaren interesei lehentasuna emateagatik".
Sare sozialetan idatzitako mezuen bidez, oinarrizkoak ez diren jarduerak etetearen alde agertu dira, "erabaki logikoena da COVID-19a zabaltzea saihestu eta ekonomiaren errekuperazioa lortzeko".
Sortuk aurretik hainbat alditan eskatu du oinarrizkoak ez diren jarduera ekonomikoak etetea, eta horren alde agertu da Europako erakundeetan zein Diputatuen Kongresuan.
Zure interesekoa izan daiteke
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.