Hauteskundeak izurritea amaitu gabe deitu izana leporatu dio Gorrotxategik Urkulluri
Miren Gorrotxategi Elkarrekin Podemoseko buruzagiak gogor kritikatu du hauteskundeak uztailaren 12an egiteko Iñigo Urkullu lehendakariak hartu duen erabakia.
"Jendea ez dago horretarako. Nahikoa sufritzen ari dira herritarrak, zama hori hauteskundeekin gehiago kargatzeko", adierazi du ohar batean.
Hauteskundeek deialdia "koronabirusaren pandemia gaindu gabe, arbitrarioki eta interes pertsonal eta alderdikoietan pentsatuz" egin izana aurpegiratu dio.
Elkarrekin Podemosek konfinamendutik irteteko fase guztiak gauzatu arte hauteskunderik ez deitzea babestu du, segurtasuna eta parte-hartzea bermatze aldera.
"Lehendakariak larrialdi egoera kenduko du, hauteskundeak deitzeko traba egiten diolako", salatu du Gorrotxategik. Urkulluk erabakiak "aldebakarrez eta gainerako alderdiekin adostu gabe" hartzen dituela deitoratu du.
Une honetan lehentasuna Araba, Bizkaia eta Gipuzkoan berreraikitzeko plan bat adostea eta aurrera ateratzea izan beharko litzatekeela azpimarratu du, "eta ez hauteskundeetan pentsatzea".
Edonola ere, Gorrotxategik nabarmendu Elkarrekin Podemos gobernu alternatibo bat eratzeko asmoz aurkeztuko dela hauteskundeetara eta, ildo horretan, PSEri eta EH Bildurik aurrerapauso bat emateko eskatu die: "Confebask patronalaren interesak soilik babesten dituzten horien morroi izatea edo krisi honen ondorioek betikoek ordaindu ez dezatela nahi dugunokin bat egitea aukeratu behar dute".
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.