Ipar Euskal Herriko udal-hauteskundeen bigarren itzulia ekainaren 28an izango da
Ipar Euskal Herriko udal-hauteskundeen bigarren itzulia ekainaren 28an egingo dute. Lehendabizikoa martxoaren 15ean gauzatu zen, koronabirusa hedatuta zegoenean, eta horrek polemika handia piztu zuen. Abstentzioak marka guztiak hautsi zituen.
Edouard Philippe lehen ministroak adierazi du du bi asteren buruan berriro bilduko direla osasun egoeraren bilakaera zein den ikusteko eta horren arabera data alda dezaketela zehaztu du.
Ekainean antolatzea ezinezkoa izango balitz, hauteskundean urtarrilera arte atzeratzeko aukera aztertuko luketela esan du. Horretarako datorren astean Frantziako Gobernuak lege-proiektu bat aurkeztuko du.
Lehen ministroak adierazi du badela unea "bizitza demokratikoari berriro heltzeko", baina, aldi berean, onartu du aurrerantzean gauzak ez direla berdin egingo.
Segurtasun neurriak
Christophe Castaner Barne ministroak azaldu duenez, hainbat prebentzio neurri hartuko dituzte eta datozen egunetan alderdiekin eta alkateekin bilerak egingo dituzte hauteskundeetarako segurtasun plana prestatzeko.
Hasteko, kanpaina "digitala" izatea bultzatuko dute eta ohi baino iraupen luzeagoa izango du.
Botoa delegatzeko aukera erraztuko dute eta horretarako prozedurak arinduko dituzte. Halaber, herritarrak maskara jantzita eta norbere boligrafoarekin –botoa kutxan sartu ostean sinatzeko- joan beharko dira bozkatzera.
Hauteskunde-mahaiko kideek maskara kirurgikoak erabili beharko dituzte eta pertsonen arteko segurtasun-tartea mantentzeko markak egongo dira zoruan.
Frantziako Gobernuak konfinamendua ezarri aurreko egunean burutu zen udal-hauteskundeen lehendabiziko itzulia. Polemika handia piztu zen koronabirusa hedatuta egon arren deialdia eustea erabaki zutelako agintariek. Abstentzioa % 50etik gorakoa izan zen.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.