Udal hauteskundeak Ipar Euskal Herrian, koronabirusaren mehatxua izan arren
Ipar Euskal Herrian udal hauteskundeak izango dira igande honetan, nahiz eta salbuespen egoerak Frantzia osoa basamortu bat bezala utzi, Emmanuel Macron presidenteak 100 pertsona baino gehiagoko elkarretaratzeak debekatu ondoren, koronabirusaren pandemiari aurre egiteko. Frantzian ia 80 hildako utzi ditu gaixotasunak dagoeneko.
Hala ere, agintariak hauteskundeen data mantentzea erabaki du, krisiaren aurrean normaltasun mezu bat zabaltzeko; Brune Poirson Trantsizio Ekologikorako Estatu idazkariaren azken positiboak ere ez du lasaitasun mezu hori hautsi.
Lapurdiko, Nafarroa Behereako eta Zuberoako 158 udalak berrituko dituzte martxoaren 15ean eta 22an. Herri gehienetan etxebizitza, mugikortasuna eta trantsizio ekologikoa dira kanpainaren gai nagusiak.
Hautagaiek zerrenda irekiak aurkezten dituzte, eta alderdi politikoek oso tarte txikia hartzen dute. Emmanuel Macronen Martxako Errepublikak ez du hautagairik aurkeztu, eta hautagaiak babestera mugatzen da.
Baionan, Jean Rene Etchegaray alkate zentristak hautagai kontserbadoreak, ekologistak, independenteak, alderdi sozialistako zerrendaburu ohi bat eta EH Bai koalizioko hautagai ohia ditu bere zerrendan.
Ziburun alderdi sozialistak ez du lortu zerrenda propioa aurkeztea, eta Akitaniako eskualdeko Émilie Dutoya kontseilaria aurkeztuko da Ziburu Bizi zerrenda irekian, Sortuko kide den Eneko Aldana buru duela.
EH Baik 22 zerrenda babesten ditu udalerri jendetsuenetan. Kasu askotan ekologistekin eta ezkerreko taldeekin osatutako koalizioak dira. Bestalde, EAJ-PNBko 16 kide 11 udalerritan aurkeztu dira zerrenda irekietan.
Hendaian, biztanleen laurdena baino gehiago Hegoaldekoa da. Hautagai guztiek aintzat hartzen dute aniztasun hori, Kotte Ezenarrok, esaterako. Ezenarrok alkatetza errepikatu nahi du, eta Laetitia Navarron ezkertiarra, Laurent Tariol komunista eta Paskal Destruhaut zentro-eskuinekoa batuko zaizkio.
Michel Veunacek Didier Borotra beteranoari hartu zion lekukoa Biarritzen, eta turbulentziaz beteriko agintaldia izan du.
Caroline Philips Maider Arostegiren zerrendan dago. Biarritzen ere, etxebizitzaren gaia lehen lerroan dago, Brice Morinek adierazi bezala, abertzaleen, ekologisten eta adituen zerrendan dagoena. Veunac zentro-eskuinak babesten du, Modemek eta La République en Marcherrek.
Urtero hiru mila lagun kokatzen dira Ipar Euskal Herrian, batez ere Frantziako estatutik etorritakoak.
Zure interesekoa izan daiteke
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.