Kongresuak bizitzeko gutxieneko diru-sarrera baliozkotu du, kontrako botorik gabe
Bizitzeko gutxieneko diru-sarrera sortzen duen Espainiako Gobernuaren lege-dekretua baliozkotu egin du Diputatuen Kongresuak. Parlamentu-talde guztiek aldeko botoa eman dute, Voxek izan ezik; izan ere, azken hori abstenitu egin da. Halaber, Ganberak adostu du araua lege-proiektu gisa tramitatzea; beraz, aldaketak edukian zuzenketa bidez egin ahalko dituzte.
Pablo Iglesias Espainiako Gobernuko presidenteorde bigarren eta Gizarte Eskubide eta 2030 Agendako ministroak, eta Jose Luis Escriva Inklusio, Gizarte Segurantza eta Migrazio Espainiako ministroak aldeztu dute, batera, testua. Esan dutenez, egun, COVID-19ak sortutako osasun-krisiaren erdian, "ernegazio-giroa" dago Espainiako politikan; bada, arau hau da, haien iritziz, ernegazio horri aurre egiteko "txertorik onena".
Iglesiasek deitoratu du "amorragarria" izan dela entzutea, azken hilabeteotan, oposizioko alderdi batzuek "ordainketatxoa ('paguita')" deitu izan diotela neurri honi. Hitz horrekin, Iglesiasen iritziz, "hozkailua betetzeko, eta gutxieneko duintasuna lortzeko ahaleginak egin behar dituzten herrikideei", errespetua galdu diete.
Bere aldetik, Escrivak eskatu du prestazio hau ez jotzea talde jakin batzuei zuzendutako politikotzat, baizik eta aseguru kolektibo gisa: "Gabezia material handiak dituzten pertsonak salbatuko ditu, eta horien gizarte-integrazioa bultzatutako ditu". Halaber, aurreratu duenez, ekainean bertan 300.000 bat lagunek jasoko dute laguntza hori.
Vox da aldeko botoa eman ez duen alderdi bakarra. Salatu duenez, PSOEk Unidas Podemosekin duen Gobernu akordioari aipamena eginez, gutxieneko diru-sarrera hau "deabruarekin ituna egin izateagatik" ordaintzeko zenbatekoa da. Voxen esanetan, neurria "oso garesti" irtengo da, "babes-sistema heriotza-arriskuan jartzen baitu". Horrez gain, salerosketaren biktimentzako salbuespenari erreparatuta, Voxek honekin parekatu egin du hori: "Pateran iristen diren guztiak onuradunak izango direla esatea bezalakoa da".
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.