PSOEk PPrekiko aldea handitu du eta Vox suspertu da, CISen arabera
PSOEk PPrekiko aldea 11,2 punturaino igo du boto asmoan. Espainiako herritarren % 31,2ren babesa du PSOEk egun, eta popularrek % 20rena, CIS Ikerketa Soziologikoen Espainiako zentroaren azken barometroaren arabera, zeinetan Vox indartu dela eta berriz ere Espainiako hirugarren indar politikoa dela ikusten baita.
Alarma egoera ezarri zutenetik CISek egin duen hirugarren inkesta da, eta ekainaren 1etik 9ra gauzatu zuten telefono bidezko elkarrizketen bidez. Berorren arabera, PSOE hamarren bat igoko litzateke maiatzetik, % 31,2raino eta PP, berriz, hiru hamarren jaitsiko litzateke, % 20raino.
CISen arabera, Vox hirugarren tokira itzuliko litzateke botoen % 12,5ekin (maiatzean baino 1,2 puntu gehiago), Unidas Podemosen aurretik, eta Pablo Iglesiasen alderdiak hamarren bat egingo luke behera, % 11,4raino.
Cs-ek puntu bat baino gehiago galdu du, eta % 9,4 ematen dio CISek boto asmoan, eta gainerakoan ez dago aldaketa nabarmenik.
Kongresuko indar politikoetan seigarrena ERC izango litzateke oraindik ere (% 2,6), nahiz eta hilabetean hiru hamarren galdu dituen, eta JxCatek 1,2ari eutsiko lioke.
EAJk hamarren bat irabaziko luke, % 1,4raino, eta EH Bildu % 0,9n geldituko litzateke.
Más País-Compromisek botoen % 1,3 jasoko lituzke, maiatzean baino hamarren bat gutxiago, eta CUPek emaitza errepikatuko luke, % 0,7.
EAEko herritarren % 31,9k EAJri botoa emateko asmoa du
EAJ izango litzateke Euskadiko hauteskundeetan babes handiena izango lukeen alderdia, EAEko herritarren % 31,9k jeltzaleen alde bozkatzeko asmoa baitu, eta % 12,2k EH Bilduren alde, % 8,1ek PSE-EEren alde, % 6,3k Elkarrekin Podemos/IUren alde, % 2,4k PP+CS koalizioaren alde eta % 0,7k Vox alderdiaren alde, CISen datuen arabera.
Bestalde, % 20,5ek ez dakite nori emango dion botoa, % 8k ez dute bozkatuko, % 2,1ek zuri bozkatuko dute eta % 1,2k boto baliogabearen alde egingo dute.
Herritarren % 50,6k nahiago du Iñigo Urkullu lehendakaria izatea une honetan, eta % 8k Maddalen Iriarte EH Bilduko hautagaia, % 5,8k Idoia Mendia sozialista, % 2,1ek Miren Gorrotxategi Elkarrekin Podemos/IUko hautagaia eta % 1,8k Carlos Iturgaiz PP+Cs koalizioko hautagaia.
Lehendakarigaien balorazioari dagokionez, Iñigo Urkulluk 6,1 puntu lortu ditu, Maddalen Iriartek 5, Idoia Mendiak bezala, eta Miren Gorrotxategik (4,5), Nico Gutierrez (3,3), eta Carlos Iturgaiz (2,4) ez dute gainditu.
Nico Gutierrez (Vox) da lehendakaritzarako hautagairik ezezagunena (ez du inkestatuen % 70,6 ezagutzen), eta Elkarrekin Podemoseko hautagaiak ( % 43,6) jarraitzen dio, eta % 39,2k (Maddalen Iriarte), % 21,4k (Idoia Mendia) eta % 17k (Carlos Iturgaiz) ez dakite nor den. Inkestatuen % 1,8k ez daki nor den Urkullu.
Botoa emango ez dutenen artean begikotasun gehien duen alderdiari dagokionez, % 21,8k EAJren alde egin dute, % 8,5ek PSE-EEren alde, % 6k Elkarrekin Podemos/IUren alde, % 2,8k EH Bilduren alde eta % 1,4k PPren alde. % 27,8k dio ez duela inolako alderdiren begikotasunik.
Bestalde, herritarren % 10,2k uste dute ez dutela botoa emango uztailaren 12an, eta % 54,7k uste dute botoa ematera joango direla.
Zure interesekoa izan daiteke
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.
Ubarretxenak astelehen honetan ekingo dio aireportuen eskumena Euskadira eskualdatzeko negoziazioari
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Matute (Rufiani ezetz esan ostean): "Beti defendatu dugu ekintza politikoaren batasuna"
EH Bilduk Espainiako Kongresuan duen bozeramailearen ondokoak "ekintza politikoaren batasuna" eta "ekintza elektoralaren batasuna" bereizi ditu, eta esan du "beti" babestuko dutela lehenengoa, eta "eskuin-muturra boterera ez iristeko hainbat ekimen" bultzatzeko konpromisoa hartu dutela.
Berrarmatze nuklearra "apustu arriskutsua" dela esan die Sanchezek NATOko kideei
Municheko Segurtasun Konferentzian egindako hitzaldian, "elkartasunaren, enpatiaren eta lankidetzaren balioetan inbertitzearen alde" egin du Espainiako Gobernuko presidenteak.