Ziburu, Itsasu, Urruña eta Uztaritzek auzapez abertzaleak izango dituzte
Zerrenda abertzale, ezkertiar eta ekologista gailendu da Ziburun (Lapurdi), Eneko Aldana buru, udal hauteskundeetako bigarren itzulian. Era berean, bozen %45,90 lorturik Philippe Aramendi abertzaleak garaipena lortu du Urruñan (Lapurdi). Hurrenez hurren, 6.000 eta 9.000 biztanle baino gehiagoko udalerriak dira biak. Ziburun zein Urruñan alkatetzak eskuinari kendu dizkiete abertzaleek.
Itsasun, 2.000 bizilagun baino gehiagoko udalerrian, lehia estua izan da eta Mikel Hiribarrenen zerrenda abertzalea 15 botoko aldearekin nagusitu zaio Jean-Paul Iturburuaren zerrendari.
Gainera, abertzaleek Uztaritzeko Alkatetzari eutsi diote bigarren itzulian. Duela sei urte bereganatu zuten. Honenbestez, Bruno Carrerek karguan errepikatuko du.
Bestalde, Jean-Rene Etchegaray Baionako auzapezak karguari eutsi dio bigarren itzulian, Henri Etcheto sozialistari nagusituz. Bozen %53,81 erdietsi ditu Etchegarayk eta % 46,19 Etchetok. Duela sei urte baino alde handiagoarekin nagusitu da Etchegaray, Etcheto baino 1027 boz gehiago lortuz.
Ipar Euskal Herriko udal hauteskundeetako emaitzen gakoak, Franck Dolosorren eskutik:
Etchegarayk garaipena aise lortu zuen lehen itzulian, baina Etchetoren aukerek gora egiten zutela ematen zuen igande honetan. Azkenean, Etchegarayk irabazi du, eta nahi izanez gero, Euskal Elkargoko presidente izaten jarraituko du.
Dominique Idiartek hartuko du auzapez kargua Senperen (Lapurdi). Maider Arosteguy eskuineko hautagaiak irabazi ditu bozak Miarritzen.
Mixel Etchebest zentro eskuineko auzapez euskaldunak galdu ditu hauteskundeak Maulen (Zuberoa). Louis Labadot aspaldiko hautagai komunistak irabazi du.
Orain arteko auzapez sozialista, Kotte Ezenarro, atera da garaile Hendaian (Lapurdi) botoen %55,10 lorturik. Bat egin zuten harekin, Laetitia Navarronen talde abertzale eta ekologistak eta Laurent Tariol komunistak.
Azkenik, Jean-François Lasserrek bozen %52,9 bildu ditu: Bidaxuneko auzapeza izanen da. Azkainen (Lapurdi) Jean Louis Fournier nagusitu da, eta karguan jarraituko du.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.