Sanchezek akordio proposamenak luzatu ditu, baina mesfidati erantzun dio oposizioak
Pedro Sanchez Espainiako presidenteak batasuna aldarrikatuz eta oposizioari akordioa bilatzeko proposamena eginez hasi du ikasturte politikoa. Oposizioa, berriz, mesfidati agertu da, eta 2021eko Aurrekontuak ez dituela babestuko eta elkarrizketarako baldintzak jarriko dituela erantzun dio.
Asteazken honetan, Pablo Casado PPko buruzagiarekin hasiko du aurrekontuen harira abiatuko duen bilera-sorta Sanchezek. Aurretik, baina, hitzaldia eman du legealdi "zabala eta egonkorra" izango dela iragartzeko. Horretarako, eta egungo egoerari buelta emateko, guztion parte-hartzea eskatu du.
Gobernukideekin batera egindako agerraldian "alderdien arteko lehia" alboratzeko nahia erakutsi du, koronabirusari aurre egin eta ekonomia indartzeko unea dela iritzita.
"Aurrera egiteko aukera dugu; Espainiak nahi baldin badu, Espainiak ahal izango du, baina horretarako askoren nahia izan behar da", esan du. Aurrekontuen negoziazioari iskin eginda, ohartarazi du akordioak lortzeko oinarri parlamentarioa geroz eta handiagoa izan, orduan eta arinagoa izango dela susperraldia.
Gainera, azpimarratu du Espainiako Gobernuak abian jarri duen planari esker, ekonomia % 2tik gora haziko dela. Halere, ez du argitu noiz iritsiko diren emaitza horiek.
Jose Luis Martinez-Almeida Madrilgo alkatea, bere aldetik, PPren bozeramaile gisa aritu da gaur estreinakoz, eta Sanchezi erantzuteko egin ditu bere lehen adierazpenak. "Espainiak ahal du; kontua da Sanchezek ahal duen ala ez, bi urte eta erdian ez baita aurrekontuak onartzeko gai izan", adierazi du.
Zure interesekoa izan daiteke
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.