Servini epaileak gaur galdekatuko du Martin Villa frankismoko krimenengatik
Rodolfo Martin Villa Espainiako Barne ministro ohiak (1976-1979) ostegun honetan deklaratuko du Maria Servini epailearen aurrean, frankismoko krimenak direla eta. Zehazki, bere agintaldian Poliziak egindako 12 hilketa leporatzen zaizkio.
Galdeketa telematikoa izango da. Argentinak Madrilen duen enbaxadatik deklaratuko du Martin Villak, 16:00etatik aurrera.
Maria Servini epaile argentinarra frankismo garaian eta Trantsizioko urteetan izandako krimenak ikertzen ari da. Martin Villari, besteak beste, 1976ko martxoaren 3an Gasteizen izandako sarraskia –Poliziak bost langile hil eta ehun bat lagun zauritu zituen- eta 1978ko sanferminetan Poliziak German Rodriguez hil izana egozten diote.
Deklaratu aurretik, Rodolfo Martin Villak Espainiako Gobernuko presidente ohien eta hainbat buruzagi sindikal ohiren babesa jaso du, eta horrek hautsak harrotu ditu.
Besteak beste, Felipe Gonzalez, Jose Maria Aznar, Jose Luis Rodriguez Zapatero eta Mariano Rajoy presidenteek adierazpen bana argitaratu dute Martin Villaren ibilbide politikoa publikoki babesten dutela nabarmenduz. Josep Borrell Europar Batasuneko Kanpo Politika eta Segurtasun goi-kargudunak ere hala egin du.
Argentinako Kereilaren Aldeko eta Frankismoaren Krimenen Aurkako Espainiako plataformak (besteak beste, Martxoak 3 eta 78ko Sanferminak Gogoan elkarteak daude bertan) salatu du ekimen hori Servini epaileari "presio egiteko mugimendu lotsagarria" dela. "Ikuspuntu juridikotik eta demokratikotik onartezina da", erantsi dute.
Ezker Batuak ere gogor kritikatu ditu Espainiako Gobernuko lau presidente ohiak, eta beren agintaldietan "frankismoaren inpunitateari eutsi izana" aurpegiratu die.
LAB sindikatuak azpimarratu du "Rodolfo Martin Villa bezalako faxistek egindako ordaindu arte" lanean segituko dutela. Ildo horretan, esan du 1976ko martxoaren 3ko sarraskian hildako langileentzat eta zauritutako ehun lagunentzat "justizia eta erreparazioa" eskatzen jarraituko duela orain arte egin bezala.
Horrez gain, Nicolas Redondo, Candido Mendez, Antonio Gutierrez eta Jose Maria Fidalgo UGTko eta CCOOko buruzagi ohien jarrera salatu du, Martin Villa publikoki babestegatik.
Martin Villak jasotako babes politikoa Europako Batzordean salatu dute EAJk eta EH Bilduk
Bestalde, hainbat eurodiputatuk, tartean Pernando Barrenak eta Izaskun Bilbaok, Europako Batzordera jo dute Josep Borrellek Franco diktadorearen ministro bati babesa agertu diolako azalpenak eskatuz.
EH Bilduk jakinarazi duenez, hauek dira Europako Batzordeari igorritako adierazpena sinatu duten europarlamentariak: Pernando Barrena, Diana Riba i Giner, Jordi Sole, Carles Puigdemont, Clara Ponsati, Antoni Comin, Izaskun Bilbao, Ernest Urtasun, Miguel Urbán, Manu Pineda eta Sira Rego.
Borrellek "frankismoko krimenengatik auzipetuta dagoen ministro frankista bati" babesa eman diola ba ote dakien esateko eta babes hori "Europako Parlamentuak onartutako ildo estrategikoarekin" bat datorren argitzeko eskatu diote Europako Batzordeari.
Ildo horretan, sinatzaileek gogora ekarri dute Europako Parlamentuak 2018ko urriaren 25ean, neofaxismoak Europan izandako gorakadaren harira onartutako ebazpenaren 30. puntuan esandakoa: "Iraganeko krimen faxistak gaitzetsiko dituen memoria komuna bultzatuko dugu".
Halaber, Europako Batzordeak berak ere Europan memoria historikoa sustatzeko programa bat jarri zuela martxan gogoratu dute.
Iruñean egindako elkarretaratze batean, Martin Villa eta frankismoa epaitzea eskatu dute
Oroimen historikoaren aldeko Nafarroako hainbat talde, politikoko eta ordezkari bildu dira, ostegun honetan, Iruñeko Justizia Jauregiaren aurrean, Martin Villa eta frankismoa epaitzea eskatuz.
Elkarretaratzeak bat egin du Rodolfo Martin Villa Espainiako Barne ministro ohiak Maria Servini epaile argentinarraren aurrean egin beharreko adierazpenen egunarekin. Estatuko Segurtasunak 12 pertsona hil izana egozten zaio, urte horietan (1976-1979), bera baitzen sail horren buru.
"Aurerrapausu" gisa definitu dute Argentinan Martin Villaren aurka irekitako auzia "salaketek eta errepresaliatuen iloben jarraipen lanak" ahalbidetu baitute bidea ireki izana.
Bestalde, Nazio Batuek frankismoko krimenen aurrean bere inpunitatea gogor krikatu duten arren, epaileak honen aurrean aurkeztutako helegite guztiei uko egin die. Hortaz, Argentinako helegitea da penalki irekita dagoen bakarra.
Azkenik, Martin Villak Euskal Herrian "hainbat auzi" dituela azpimarratu dute; horien artean, Gasteizkoa, Montejurrakoa edota 78ko San Ferminetakoa.
Zure interesekoa izan daiteke
Diez Antxustegiren esanetan, abenduaren 31rako estatutua betetzen ez bada EAJk azterketa bat egin beharko du
Radio Vitorian egindako elkarrizketa batean, akordioak betetzeko daudela nabarmendu du EAJk Eusko Legebiltzarrean duen bozeramaileak. "Gu alderdi serioa gara eta guk adostutako akordioak bete egiten ditugu", gaineratu du.
ELAk aste honetan salatuko du Confebask, "bere betebeharrean artean" gutxieneko soldata negoziatzea dagoela uste dutelako
Mitxel Lakuntza ELA sindikatuko idazkari nagusiak Euskadi Irratian adierazi duenez, "eskatzen duguna da epaile batek esatea Confebaski eseri behar duela gai honetaz". Gutxieneko soldata "gurekin negoziatzea bere betebeharren artean" dagoela azpimarratu du, gainera.
Santurtziko alkateak Segurtasun zinegotziari ardura guztiak kendu dizkio ustez azterketa bat filtratzeagatik
Santurtziko alkate Karmele Tubillak Sonia Lopez zinegotzian konfiantza galdu du, eta erabaki du bere karguarekin lotutako ardura guztiak kentzea, Udaltzaingoaren oposizio-prozesu batean izan litezkeen azterketa-filtrazioengatik.
Albiste izango dira: Lehendakariaren bidaia ofiziala Parisera, antiabortisten kontrako epaiketaren bigarren eguna eta Zelenski Madrilen
Gaurkoan Orain-en albiste izango direnen laburpena, bi hitzetan.
Demokraziaren aldeko borroka pil-pilean zebilen Euskadin Franco hil aurreko urteetan
Frankismoaren azken urteetan Euskadiko kaleetan bizi zen tentsio handia gogora ekarri dute Ramon Jauregui sozialistak, Tasio Erkizia ezker abertzaleko militante historikoak eta Gorka Knörr EAko eurodiputatu ohiak.
?fmt=png-alpha&qlt=80)
Marcos Vizcaya zendu da, Trantsizioan EAJko bozeramailea izandakoa
Carlos Garaikoetxea lehendakariaren aholkularia zela, Gernikako Estatutuaren negoziatzaile aktiboenetako bat izan zen, 1979an.
Negoziatzeko borondatea erakutsi arren, Eusko Jaurlaritzak eta oposizioak urrun ikusten dute aurrekontuen akordioa
Noel d'Anjou sailburuak adierazi du entzuteko eta elkarrizketarako fasea abiatu dutela, eta Eusko Jaurlaritzak proposamenak espero dituela. Oposizioko alderdiek, bere aldetik, hoztu egin dute koalizio gobernuarekin aurrekontu proiektuaren inguruan akordioa lortzeko aukera.
Bere aurkako atxilotze-agindua bertan behera uzteko eskatu dio Puigdemontek Konstituzionalari
Kataluniako presidente ohiaren defentsak azpimarratu duenez, "urteetan zehar" Puigdemontek "mugatuta izan du bere mugimendu askatasuna eta jarduera instituzionala, atxiloketa aginduen ondorioz, zeinaren baliozkotasuna juridikoki indargabetu duten Amnistiaren Lege Organikoak eta Auzitegi honek (Konstituzionala) zein Europako estandarrek".
Mazonek Kongresuan esan du ez zegokiola berari alerta mezua bidali erabakitzea
Pradas kontseilari ohiaren deiak erantzun ez bazituen mugikorra motxilan eduki zezakeelako izango zela azpimarratu du Valentziako Generalitateko jarduneko presidente denak Kongresuko ikerketako batzordean.
Arnaldo Otegik uste du Jaurlaritzak ez duela EH Bildurekin itunik nahi
Arnaldo Otegik uste du Eusko Jaurlaritzak ez duela EH Bildurekin itunik nahi. Are gehiago, horren atzetik erabaki politiko bat dagoela ziurtatu du Egun On saioan egindako elkarrizketan. Arnaldo Otegi EH Bilduko idazkari nagusiak adierazi du , gainera, "arinkeria handiarekin esaten direla gauza batzuk" eta "kontuz" aritu behar dela "zein adjektibo erabiltzen ditugun eztabaida politikoan". Bestalde, azpimarratu du Bingen Zupiriak adierazi zuela "Euskal Hintxek edo zaletuek deituta zegoen manifestazioa ez zegoela legeztatuta eta baimendua. Guk ez genuen esan gezurretan ari zela. Zuk pentsa dezakezu, agian gezurretan dago edo agian ez dauka datu hori ordu horretan".