Krisian Urkulluri laguntzeko prest badago ere, PP+Csk ez du estatus berria babestuko
COVID-19aren krisiaren aurrean laguntza eman eta akordioak bilatzeko prest dagoela esan dio PP+Cs koalizioaren presidente Carlos Iturgaizek EAJren hautagai Iñigo Urkulluri, ostegun honetan egin duten inbestidura ekitaldian. Aitzitik, argi utzi dio ez duela "estatus berria" aurrera eramateko babesik jasoko.
Arratsaldeko saioan alderdiek izan duten tartean hartu du hitza Iturgaizek. Goizean, berriz, Iñigo Urkullu (EAJ) eta Maddalen Iriarte (EH bildu) hautagaien agerraldiak izan dira Legebiltzarrean. Gaur bertan, lehendakari izendatuko dute Urkullu, EAJk eta PSE-EEk hitzartutako itunari esker. Horrekin, gehiengo osoa baitute Legebiltzarrean.
Esan bezala, Urkulluk goizean egindako adierazpenei erantzuten saiatu da arratsaldeko lehen orduan Iturgaiz. Aldiz, Iriarteri erantzuten "denborarik galduko ez duela" esan du hizketan hasi bezain pronto, "demokrazian zilegi den gutxieneko hori betetzen ez duelako, hots, ez delako ETAren indarkeria gaitzesteko gai izan".
Urkulluren aldeko botorik emango ez dutela ziurtatu ostean, eta EAJ-PSEk egindako kudeaketarekin haserre dagoela adierazi arren, Iturgaizek nabarmendu du jakin badakitela oposizio gisa "krisi honi aurre egiteko erantzukizuna" dutela.
Horregatik, akordioetara iristeko prest azaldu da, "betiere euskal herritarren agendari lehentasuna ematen badiogu".
"Gure asmoa pandemiari aurre egiteko akordioak bilatzea eta krisi honek ekarri dituen ondorio ekonomiko eta sozialekin amaitzea da. Horretarako, nire laguntza eskaini nahi dizut", esan dio Iturgaizek Urkulluri. Irtenbide gisa, "itun fiskala" negoziatzea proposatu dio, "familiei, enpresei eta autonomoei" laguntzeko xedez.
Halaber, hezkuntza eta osasun arloak hobetzeko aurrekontuak indartu nahi ditu. "Kontu horietan laguntzeko prest gaude", azpimarratu du.
Nolanahi dela, Urkulluri ohartarazi dio ez duela "Konstituzioa hausteko agertokietan" pare hartuko.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.