Mendiak Euskadi berreraikitzeko neurriak adosteko eskatu dio oposizioari
Idoia Mendia PSE-EEko idazkari nagusiak defendatu egin du elkarrekin gobernatzeko EAJrekin sinatutako akordioa, eta Euskadi berreraikitzeko "akordio zintzoa" adostea eskatu dio oposizioari.
Eusko Legebiltzarrean egin ditu adierazpenok Mendiak, lehendakaria izendatzeko saioan. Iñigo Urkullu (EAJ) eta Maddalen Iriarte (EH Bildu) dira hautagaiak, baina lehena hautatuko du gobernuburu Ganberak, bere alderdiaren eta PSE-EEren botoekin.
Inbestidura saioan, Mendiak esan du Jaurlaritza elkarrizketarako prest egongo dela, gehiengo osoa izango badu ere. "Inork ez dezala aitzakiarik izan ez hitz egiteko", ohartarazi die gainerako taldeei.
Horren ildotik, hurrengo urteetan hauteskunderik izango ez dela aprobetxatzeko deia egin du PSE-EEko buruak, "letra handiz politika" egiteko eta "herrialde akordioak" lortzeko, krisiaren aurrean "irtenbide justua" bilatzea eta "inor atzean ez uztea" xede. "Jaurlaritza akordioetarako prest dago", azpimarratu du Mendiak.
Osasun arloan, Mendiak lehen arreta zerbitzua indartzea, baliabide materialak areagotzea eta "osasun digitala" sustatzea proposatu du.
Bestalde, enplegua eta ekonomia suspertzea ere lehentasun izango direla aurreratu du buruzagi sozialistak, eta erabaki "ausartak" hartu beharko direla gaineratu du.
Horren esanetan, krisiaren ondorioz "aurreikusitakoak baino baliabide gutxiago" izango dituzte, baina neurriak hartzeko adinak egongo dira "bikoizketak" ezabatzen badira, zorpetzen badira eta iruzur fiskalaren aurrean borroka egiten badute.
Hori horrela, Mendiak zerga sistema erreformatzearen alde egin du, "mailakotasun handiagoa" ezartzeko.
PSE-EEko idazkari nagusiak Gernikako Estatutua guztiz garatzea defendatu du, baina aitortu du sozialistak eta EAJ ez daudela guztiz ados gai horretan. Horregatik, "gobernagarritasun akordiotik kanpo" utzi dute.
Bizikidetzaren arloan, terrorismoa bidegabea izan zela "denek", "salbuespenik gabe", onartu behar dutela adierazi du, eta biktima guztientzat memoria, justizia eta kalte-ordainak eskatu ditu.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.