Bost preso Euskal Herritik gertuago dauden kartzeletara eramango dituzte
ETAko bost preso Euskal Herritik gertuago dauden kartzeletara eramateko eta seigarren bat Martutenera hurbiltzeko agindua eman du Espetxe Zuzendaritzak.
Espetxe Zuzendaritzak jakitera eman duenez, Jon Zubiaurre Puerto I Cadizko espetxetik Burgosera eramango dute. Era berean, Liher Aretxabaleta Burgosera eramango dute, baina kasu honetan Ocañatik (Toledo).
Xabier Zabalo Beitia Puerto I espetxetik Valladolideko presondegira lekualdatuko dute. Gainera, Roberto Lebrero Panizo Sevillako kartzelatik Burgosera eramango dute. Azkenik, Arkaitz Agote Cillero Alboloteko espetxetik (Granada) El Duesora (Kantabria) eramango dute.
Bestalde, Xabier Atristain Gorosabel Soriako espetxetik Martutenera (Donostia) hurbilduko dute.
AVT: "Sakabanaketa politika indargabetu dutela agerian geratu da berriro"
Terrorismoaren Biktimen Elkarteak (AVT) ohar batean ohartarazi duenez, ETAko presoen % 53 Espainia iparraldeko espetxeetan daude dagoeneko. “Sakabanaketa politika praktikan indargabetu dutela agerian geratu da berriro”, salatu du AVTk.
Odol delituak eta oraindik zigor urte dezente betetzeko dituzten presoak espetxez aldatzea deitoratu du biktimen elkarteak, “justiziari lagundu barik eta damutzeko keinu garbirik gabe, espetxe legea onartzearekin soilik nahikoa dute, ‘kartzelak husteko borroka metodo’ bezala”.
Etxerat: "Gure senideen espetxe legediaren bidea oztopatzeari utzi"
Bestalde, “oraindik 144 euskal preso politiko lehen graduan sailkaturik daude”, salatu du Etxerat elkarteak Foro Sozial Iraunkorraren aurrean. “Legez sailkapen hori salbuespena eta aldi baterako da, preso oso arriskutsuentzako. Ez da gure senideen kasua”, erantsi dutenez.
“Baina, gainera, 144 preso horien artean, batzuek erregimen are itxiagoa dute; izan ere, bakarturik daude isolamendu edo zigor moduluetan”, azaldu dute. “Huelva, Sevilla eta Kordobako espetxeen kasua; baita Estremerako eta Soto del Realeko moduluak ere”, aipatu dituzte.
Albiste gehiago politika
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.