EAEko alderdi guztiek, PP+Cs-ek izan ezik, begi onez ikusi dute Nafarroako akordioa
Euskal Autonomia Erkidegoko alderdi gehienek begi onez ikusi dute Nafarroako Gobernuak eta EH Bilduk 2021eko aurrekontuen inguruan itxi duten akordioa. PP+Cs taldea izan da ituna kritikatu duen bakarra, Radio Euskadiko solasaldi politikoan.
Maria Eugenia Arrizabalaga legebiltzarkide jeltzalearen aburuz, akordioa "ez da ezustekoa" izan EAJrentzat, EH Bilduk Espainiako aurrekontu orokorrak babestea izango ez den bezala, eta "ondo" iruditzen zaiola esan du. Horren iritzian, ezker abertzaleko koalizioarentzat lehentasunezkoa da "iraganean egindako hainbat akatsen ondorioak" kudeatzea, tartean kartzela politikaren ondorioak, eta horregatik, "PSOEren ondoan" egongo da.
Madrilen eta Nafarroan aurrekontuak babesten dituzten bitartean, EAEn akordiorako borondaterik ez erakustea egotzi dio Arrizabalagak EH Bilduri. "Zer dela eta mantentzen duen EH Bilduk hain jarrera oldarkorra Jaurlaritzarekiko eta EAJrekiko, hori da ez duguna ulertzen. Hori justifikatzeko darabilten diskurtsoa, ezkerra vs eskuina, ere ulergaitza da. Beraiek ezkerra izango dira, baina gu ez gara eskuina", gaineratu du.
Ildo beretik mintzatu da Ekain Rico PSE-EEko kidea ere. "Aurrekontu aurrerakoiak" aurrera ateratzeko Nafarroan egindako ahalegina txalotu du, baina EAEn jarrera hori bera erakusteko eskatu dio koalizio abertzaleari. "Berri oso ona da Nafarroako herritarrentzat, eta Euskadin ere EH Bilduk espiritu hori izatea gustatuko litzaidake", gaineratu du.
Iker Casanova EH Bilduko legebiltzarkideak, berriz, Arrizabalagari erantzunez esan du aurrekontuak negoziatzerakoan "aurrekontua bera eta testuingurua" hartu behar direla kontuan. EAJk elkarrizketaren aldeko mezuak bota bai, baina praktikan ezer ez duela negoziatzen esan du Casanovak.
"Gainera, jakin badakigu Nafarroan eta Estatu Espainolean egoera oso delikatuan daudela, ez dute gehiengorik eta alternatiba ultraeskuina da. Arduragatik eta erantzukizunagatik erabaki dugu ahalegin bat egitea", zehaztu du.
Elkarrekin Podemoseko Iñigo Martinezek ere esan du gobernu bakoitzaren baldintzak eta ezaugarriak kontuan hartzea beharrezkoa dela aurrekontuen negoziaketetan, eta Nafarroan eta Estatuan, bietan, ezkerreko politiken aldeko apostua garbia dela.
Azkenik, Laura Garrido PP+Cs taldeko legebiltzarkidearen arabera, Nafarroan eta Madrilen aurrekontuen inguruan itxitako itunen atzean, presoen hurbilketarekin lotutako akordioa dago.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.