Subillako gas esplorazioak Gasteizko aurrekontuen onarpena ezbaian jarri du
Eusko Jaurlaritzak Gasteizko udalerrian gasa bilatzeko esplorazio baimena eskatu zuen. Eskaerak Arabako hiriburuaren 2021ko aurrekontuak kolokan jarri ditu; izan ere, Elkarrekin Gasteiz proiektu energetikoaren kontra azaldu da.
Oposizioko talde politiko guztiak, EH Bildu, PP eta Elkarrekin Gasteiz, proiektuaren aurka agertu dira; ondorioz, Udal Gobernua 2021ko aurrekontua aurrera ateratzeko gehiengorik gabe geratu daiteke; izan ere, koalizio moreak dagoeneko iragarri duenez, ez ditu aurrekontuak babestuko, gas esplorazio proiektua atzera botatzen ez baldin badute.
EAJren eta PSE-EEren udal Gobernuak oposizioko talde politiko bakarraren babesa edo abstentzioa behar du 2021eko aurrekontua aurrera ateratzeko, gutxiengoan gobernatzen ari baita. Iaz Elkarrekin Gasteiz abstenitu zen.
Testuinguru honetan, Gorka Urtaran Gasteizko alkatea gas esplorazioaren alde agertu da, “lur azpian zer dagoen jakiteko”.
“Gure lurraren azpian zer dagoen jakiteko eskubidea dugu. Esploratzeko edozein lan positibo iruditzen zait”, azaldu du buruzagiak.
“Aurrekontuen eztabaidari heldu baino lehen gaia konpontzea”, espero du Urtaranek, negoziaziora “zalantza guztiak argituta joateko”.
Hala ere, gas esplorazioaren baimenak “aurrekontuarekin zerikusirik” ez duela uste du Gasteizko alkateak. Oposizioari gogoeta egiteko eskatu dio, “gasteiztarren bizitza jokoan dagoelako”. Udaleko kontuak onartzen ez baldin badituzte, “zorpetzeko gaitasuna bertan behera geratuko litzateke”, ohartarazi duenez.
Urtaranen hitzetan, baimenak “legearen arabera” ematen dira, eta “ez alkatearen edo oposizioko talde baten borondate politikoaren arabera”.
“Baimen eskakizuna azterketa tekniko eta juridiko batekin egin dute, indarrean dagoen araudiaren arabera”, erantsi du buruzagiak. Alkate gisa “hiri-antolamenduko plan orokorra eta udal-ordenantzak” defendatuko dituela azpimarratu du.
Oposizioko talde politiko guztiek, aldiz, Subillanan gasa ateratzeko proiektua geldiarazteko eskatu diote alkateari.
EH Bilduk eta Elkarrekin Gasteizek agiri bateratua zabaldu dute: “Gas esplorazio eta ustiapen proiektua ordenamendutik at dago”, eta ondorioz, “Sheshari (Hidrokarburoen Euskadiko Elkartea) baimena ematea ezinezkoa da”.
Gainera, Urtaranen agerraldia eskatu dute Klima eta Landa-gune batzordean, abenduaren 15erako, Udal Gobernuak izango duen jarrera argitzeko.
Ondoren, Alderdi Popularrak eskaerarekin bat egin du. Gas esplorazioaren baimena “ez onartzeko” eskatu dio PPk Urtarani, Gasteizko “ingurumen politiken kontrako” proiektu bat delako.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.