Felipe Gonzalezek GALekin lotura izan duen ikertzea eskatu du Pili Zabalak
Felipe Gonzalez Espainiako Gobernuko presidente ohiak GALekin izan dezakeen lotura ikertzea eskatzeko idatzia aurkeztu du du Pili Zabalak Gipuzkoako Fiskaltzaren aurrean. GALek Joxi Zabala anaia hil zion.
Zabalak Podemos utzi zuen, Elkarrekin Podemosen lehendakarigaia izan ondoren. GAL “ikertzen laguntzeko plataforma independente” bat sortu behar zuela iragarri zuen duela hilabete batzuk.
Gipuzkoako Fiskaltzaren aurrean aurkeztutako ekimenean, ikerbidea abiatzea eskatu du Zabalak, “Felipe Gonzalez salatzeko aukera dagoen argitzeko, ustez GALen bitartez atentatuak eta desagerpenak bultzatzeagatik edo Gobernuko presidente karguaz aprobetxatzea giza eskubideen urraketa larriak onartu, finantzatu ala estaltzeagatik funts erreserbatuen bidez”.
1984an CIAk egindako txostena gogora ekarri du Zabalak idatzian. Gonzalezek “terroristen aurka legetik kanpo borroka egiteko mertzenario talde baten sorrera” bultzatu zuen, CIAren arabera.
Zure interesekoa izan daiteke
Parte-hartzea aurreko bozetan baino txikiagoa izan da 17:00etarako Pirinio Atlantikoetan, % 51,77koa
Aurreko igandean parte-hartzea % 54,70 izan zen lehen itzulian ordu beran. Ipar Euskal Herriko 11 herritan egiten ari dira udal hauteskundeak gaur. 18:00etan itxiko dituzte hauteslekuak eta 19:30ak aldera egon daitezke lehen emaitzak.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.