EH Bilduk 429 milioi inbertitzea proposatu du, covid-19aren krisiari aurre egiteko
2021eko aurrekontuak adosteko Eusko Jaurlaritzak abiatu duen elkarrizketaren baitan, EH Bilduk neurri zehatzak biltzen dituen dokumentua igorri dio asteazken honetan Iñigo Urkulluren Gobernuari.
Pandemiak eragindako krisi sozio-ekonomikoari aurre egiteko eta sektore kaltetuenei laguntzeko asmoz, osasun publikoan, hezkuntzan eta gazteen enpleguan 429 milioi euro inbertitzea proposatu du koalizio soberanistak.
Maddalen Iriarte eta Nerea Kortajarena EH Bilduko legebiltzarkideek agerraldia egin dute proposamen horren xehetasunak azaltzeko, eta dokumentua Pedro Azpiazu Ekonomia eta Ogasun sailburua helarazi diotela jakinarazi dute.
Azpiazu joan den ostiralean bildu zen EH Bilduko ordezkariekin aurrekontu proiektua babesteko aukeraz hitz egiteko. Koalizio soberanistak esan zuen dezepzionatuta atera zirela batzarretik.
Neurriak eta inbertsioak
Alabaina, gaur, beste bilera bat egiteko eskatu diote Azpiazu sailburuari, goizean bidali dioten proposamena aztertzeko. Halaber, ekonomia suspertzeko Europar Batasunak emango dituen diru-laguntzei buruz eta zerga-sistema erreformatzeko beharraz ere negoziatu nahi du koalizio soberanistak.
Eusko Jaurlaritzak erreserban utzi duen diru-saila baliatuta, EH Bilduk 140 milioi euro osasun publikora bideratzea proposatu du, pandemiaren aurrean osasun sistema indartzeko eta txertaketa kanpaina azkartzeko baliabideak jarriz.
Hezkuntzan 50 milioi euro gehiago inbertitzea planteatzen du, eta beste 14 milioi gizarte-zerbitzuetan.
Halaber, 200 milioi euroko erreskate-plana abiaraztea eskatzen du, pandemiak gehien kaltetu dituen sektoreei laguntzeko, tartean ostalaritzari, merkataritzari edota kulturari. Ildo berean, gazteen kontratazioa bultzatzeko programarako 20 milioi euro bideratzea proposatzen du, eta beste 5 milioi euro argindarraren prezioaren igoeraren ondorioei aurre egiteko.
Horrez gain, erresidentzietako egoiliarren eta langileen baldintzak hobetzea eta pentsio txikienak osatzea aldarrikatzen du EH Bilduk, zenbatekoak zehaztu gabe.
Bestalde, Shesa enpresa publikoa desegitea eskatzen du, Eusko Jaurlaritzak indar guztiak energia berreztigarriengan jar dezan.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.