Erkoreka: “Ertzaintzaren jokabide desegokia frogatzen bada, neurriak hartuko ditugu”
Jokabide desegokia egon zela frogatuz gero, Ertzaintzan neurriak hartuko dituztela esan du Eusko Jaurlaritzako lehen lehendakariorde eta Segurtasun sailburu Josu Erkorekak, PCBren Barakaldoko lantegian gertatutako erasoa argitzeko zabaldu duten barne ikerketaren harira.
Horrekin lotuta, argi utzi nahi izan du gisa horretako aferen aurrean barne ikerketa bat abiatu ohi dutela beti, "gertatutakoa argitzeko helburuarekin".
"Horri esker", adierazi du "erantzukizunak bideratu ahal izango ditugu, ikerketa judiziala eragotzi gabe, noski".
Erkorekak erantsi du PCBko erasoak ez duela covid-19ari aurre egiteko ezarritako neurriak ez betetzeagatik hainbat herritan egunotan izan diren istiluekin zerikusirik izan. "Badira batzuk egoera horietaz baliatzen direnak diskurtso, mezu eta sistemaren zein Ertzaintzaren aurkako planteamenduak berreskuratzeko, aspaldiko garaietara itzulita", azpimarratu du.
Javi Gomez CCOOk Euskadin duen Industria Federazioko idazkari nagusiak, bestalde, Ertzaintzaren aurkako salaketa jarri zuen asteartean, agente batek borrarekin buruan eman zion kolpeagatik.
Josu Erkoreka berak Loli Garcia CCOO sindikatuko idazkari nagusiarekin hitz egin du Gomezen osasun egoerari buruz galdetzeko, eta Barakaldon jazotakoa argituko dutela jakinarazteko. Iñigo Urkullu lehendakaria, berriz, Unai Sordorekin (CCOO) jarri zen harremanetan PCBko lantegian gertatutakoaz jarduteko.
Marlaskaren erabakia Euskadin aplikatu daitekeen jakin nahi du Erkorekak
Fernando Grande-Marlaska Barne ministro espainiarrak atzo aurreratu zuen terrorismoaren biktimak babesteko legea aldatzeko lanetan ari direla ETAko kideei egiten zaizkien omenaldiak amai daitezen zigor erregimen bat arautzeko.
Horren aurrean, Erkorekak nabarmendu du araudi hori Euskadin aplikagarria den jain nahi duela.
Halaber, gaineratu du oraindik ez duela ekimen horren "edukia" ezagutzen, eta horren berri izan arte nahiago duela isilik egon. "Ikusiko dugu nola planteatzen duten araudia, zein berme dituen eta Euskadin aplikatzeko modukoa den", azaldu du.
Zaldibarko zabortegian izandako hondamendiaren urteurrena
Zaldibarko zabortegiaren hondamendiari buruz galdetuta, Erkorekak iragarri du datorren larunbatean Arantxa Tapia Ekonomiaren Garapen eta Azpiegituretako sailburuak agerraldia egingo duela. Zaldibarren bertan emango du hondamendi horren nondik norakoen berri, lan istripuaren urteurrenean.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.