Ertzaintza salatu du PCBren protestan buruan kolpea jaso zuen CCOOko ordezkariak
CCOO sindikatuak Euskadin duen Industria federazioko idazkari nagusi Javi Gomezek salaketa aurkeztu du Ertzaintzaren aurka astearte honetan, PCBren Barakaldoko lantegiaren sarreran agente batek buruan eman zion kolpeagatik.
Lantegi horretan istiluak gertatu ziren atzo, 83 langile kaleratu baitzituzten. Zuzendariak eta greba egin ez duten beharginak lantokira autoz iritsi zirenean sortu ziren istiluak.
Izan ere, bidea ixten ari ziren langileen aurka oldartu zen Ertzaintza, eta agente bat eta hainbat langile zauritu ziren, tartean Gomez bera. Ertzain batek emandako borra-kolpeak sudur-trenkada hautsi zion. Gainera, eskuturrean lesioa eragin zion.
Erantzukizunak bideratzeko orduan, borra-kolpea eman zion ertzaina ez ezik, "haren arduradunak" ere kontuan izatea eskatu du Gomezek, Barakaldoko epaitegien atarian. Loli Garcia sindikatuko idazkari nagusiarekin batera agertu da komunikabideen aurrean, salaketa jartzera joan denean.
"Ironikoa da Eusko Jaurlaritzak duela astebete PCBrekin zuen bilera bertan behera utzi izana langileak biolentoak zirelako. Bortizkeria Ertzaintza ari da erabiltzen, lan-gatazka bat ordena publikoko gatazka bihurtu nahi dute, eta ez diegu utziko", adierazi du Gomezek.
Sindikatuaren ordezkariak esan du PCBko langileek hilabete bat daramatela greba mugagabean, ITP Aeroren filial horretan egin behar dituzten kaleratzeengatik, eta "kolpeak besterik ez" dituztela jasotzen.
"Langile horiek errespetua merezi dute, enpleguaren eta herri honetako industriaren alde ari direlako. Zentzugabekeria itzela da herri honetako poliziaren indarkeria, eta ezin dugu onartu enplegua defendatzen duten langileak piketari bortitzak direla esatea, ez da egia", gaineratu du.
Gomezek adierazi duenez, "zuzenean buruan emandako kolpearen ondorioz edozer gerta zitekeen".
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.