Jaurlaritzaren gehiengo osoa etengabe inposatzea leporatu dio Iturgaizek Urkulluri
Carlos Iturgaiz PP+Cs-en Eusko Legebiltzarreko bozeramaileak Eusko Jaurlaritzak duen gehiengo osoa etengabe inposatzea leporatu dio Iñigo Urkullu lehendakariari, eta bere taldearen jokabidea "oposizio eraikitzailea" egitea izango dela helarazi omen dio.
Iturgaizek agerraldia egin du bileraren ostean, eta "adeitsua" izan dela esan du. Hala ere, euskal herritarren benetako arazoei irtenbidea ematerako garaian Jaurlaritza "trabatuta" dagoela adierazi dio Urkulluri.
Osasun krisiaren kudeaketari dagokionez, Iturgaizek lehendakariari esan omen dio kezkatuta dagoela txertaketarekin, EAE "atzean baino atzerago" dagoelako prozesu horretan.
Era berean, ekonomia arloan "gainbehera" atzematen duela esan dio, eta Espainiako Gobernuan ere badauden kideei egotzi die "kudeaketa txarra", ostalaritzaren aldeko aldarrikapenei jaramonik ez egitea eta sektore hori egitea osasun egoeraren errudun.
Iturgaizek gaineratu du puntu txarrak atzematez gain, ekarpenak egiteko bertaratu dela batzarrean, eta Urkulluri paperean eman dizkiola aurtengo aurrekontuei aurkeztutako 840 zuzenketak, atzera bota zituztenak.
Oposizioarekin dituen zubiei eutsi nahi die Urkulluk
Iñigo Urkullu lehendakariak, bigarren bilera-sortarekin, oposizioarekin dituen zubiak indartu nahi ditu, Legebiltzarrean dauden alderdietako buruzagi politikoekin "harreman diskretua eta konfiantzazkoa" izateko.
Lehendakariak astearte honetan hasi ditu bilerak, lehenengoa PP+Cs-rekin, eta bihar EH Bildurekin eta Elkarrekin Podemos-IUrekin bilduko da. Amaia Martinez Voxeko bozeramaileak uko egin dio bilera horretara joateari; izan ere, bere ustetan, hainbat alderdik, tartean EAJk, "babes-hesia" ezarri diote Jaurlaritzan bere alderdiari.
Eusko Jaurlaritzaren bileraren osteko prentsaurrekoan, Bingen Zupiria bozeramaileak azpimarratu duenez, "komunikazioa izateko, hitz egiteko eta entzuteko prest dauden bi alde behar dira". "Batek nahi ez badu, ezinezkoa da komunikazioa", gaineratu du.
"75eko pertsona da", esan du Legebiltzarreko osaketari erreferentzia eginez. "74 geratzen zaizkigu elkarrizketan eta akordioan sakontzeko", azpimarratu du bozeramaileak, eta bilera hauekin lehendakariak euskal erakundeetan "ia alderdi guztiek" akordioak lortzeko eta erabakiak hartzeko "egin den eta egiten den esfortzu handiari" balioa eman nahi diola azaldu du.
Ildo horretan, EAJk eta PSE-EEk koalizioan gobernatzen duten euskal eszenatokia eta beste autonomia erkidego batzuetan dagoen egoera politiko ezegonkorra kontrajarri ditu.
Zupiriak esan du lehendakariak uste duela "buruzagi politikoen artean harreman diskretua eta konfiantzazkoa izateko funtsezkoa dela elkarren arteko zubiei eustea" giro politiko egonkorra izateko.
Gaur hasi dena Urkulluk euskal alderdiekin izango duen bigarren bilera-sorta da, azaroan egin zuten bileraren ostean.
Lehenengoan, lehendakariak dokumentu bat eman zien alderdi guztiei, bere Gobernuaren programaren (EAJ-PSE-EE koalizioa) eta alderdi bakoitzak uztailaren 12ko hauteskunde autonomikoetara aurkeztu zuenaren artean egon daitezkeen akordio esparruak jasotzen zituena.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.