Urkulluk "eginahalak" egingo ditu "azken unera arte" alarma egoera mantentzeko
Iñigo Urkullu lehendakariak esan du "ahalegin guztiak" egingo dituela "azken unera arte" Espainiako Estatu osoan alarma egoerari eusteko maiatzaren 9az harago ere.
Espainiako Gobernuak alarma egoera bertan behera uztearen biharamunean izango den egoeraz galdetu dio Maddalen Iriarte EH Bilduko bozeramaileak Eusko Legebiltzarrean egiten ari diren kontrolerako saioan. "Madrilera eskutitzak bidaltzeaz eta eskatzeaz, erregutzeaz gain, zein neurri hartuko ditu Jaurlaritzak pandemiari aurre egiteko?", itaundu dio bozeramaile abertzaleak. Halaber, erabakiak "ahalik eta eraginkorrenak" izateko "aliantza politiko eta sozial" baten beharra azpimarratu du Iriartek.
Bere erantzunean, Urkulluk azpimarratu du "ahalegin guztiak" egingo dituela Sanchezek iragarritako erabakian atzera egin dezan, eta "besterik ezean" (pandemiari aurre egiteko neurriak hartzeko berme juridikoak emango lituzkeen beste alternatiba bat) alarma egoerari eusten saiatuko dela epe "adierazgarri batean".
Elkarrekin Podemos-IU taldearen izenean, Miren Gorrotxategik salatu du "laugarren olatuan" gauden honetan Jaurlaritzak ez duela Osakidetzaren langileria "indartu eta handitu". "Urtebete pasatu da, noiz egingo da", galdetu du. Era berean, lehen olatuko "akats berak" egiten ari direla esan du.
Bestalde, Carlos Iturgaiz PP+Cs taldeko bozeramaileak kritikatu du EAEk Espainiako Estatuko "datu txarrenak" dituela, eta alarma egoera luzatzearen eskaeren aurrean, Pedro Sanchezen "mespretxua" salatu du. Iturgaizen aburuz, baina, "erantzunik ezak badu konponbidea, PPk aurkeztu duen plan juridikoa. Beste aukera bat duzu lehendakari, neurriak hartzeko bermeak ematen dituelako eta konponbideak aurkituko ditugulako plan horrekin".
Alarma egoerari buruz Jaurlaritza osatzen duten bi alderdien artean omen dauden "desadostasunen" inguruan, lehendakariak erantzun du EAJ eta PSE-EE "funtsezkoenean" daudela ados: alarma egoera luzatu behar den ideia horretan.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".