Pablo Iglesias, unibertsitatetik Espainiako Gobernuko presidenteorde izatera
Zazpi urteko ibilbide politikoaren ondotik, Pablo Iglesiasek politika utzi du. Bere hastapenetan, "kastari" eta "bipartidismoari" aurre egiteko ikur izan zen, baina pixkanaka-pixkanaka bere itzala apalduz joan da. Espainiako Gobernuko presidenteorde zela, gobernua utzi zuen maiatzaren 4ko Madrilgo Erkidegoko hauteskundeetan Unidas Podemosen presidentegai izateko. 10 diputaturekin bosgarren postuan gelditu ostean, albo batera egin eta politikagintzan dituen ardura guztiak utzi ditu.
Pablo Iglesias 1978ko urriaren 17an jaio zen Madrilgo Vallecas auzoan. Irene Montero Espainiako Berdintasun ministroaren bikotekide ez ezik, hiru seme-alabaren aita da.
Zuzenbidean eta Zientzia Politikoetan lizentziatua da Complutense Unibertsitatean.
Complutense Unibertsitatean Zientzia Politikoetako irakasle izan ondoren, politikaren lehen lerrora salto egin zuen 2014an, aurrez telebistako hainbat eztabaida saiotan aurkezle eta solaskide gisa ezaguna bazen ere.
M15 mugimendua Podemos alderdiaren hazia izan zen. Hain zuzen ere, Podemos alderdiaren sorrera iragarri zuen 2014ko urtarrilean. Alderdiaren sorreran parte hartu zuten Pablo Iglesiasesek ez ezik, Iñigo Errejonek, Juan Carlos Monederok, Carolina Bescansak edo Luis Alegrek, Teresa Rodriguezek eta Miguel Urbanek.
Podemosen Espainiako politikagintza irauli zuen, "kastaren" eta "bipartidismoaren" aurka eta birsorkuntza politikoaren alde egindako diskurtsoarekin. 2014ko Europako hauteskundeetan bost eserleku lortu zituen, 1.245.948 botorekin (emandako botoen % 7,97).
Urtebete geroago, iritsi zen alderdi morearen eztanda. Hauteskunde orokorretan bost milioi boto baino gehiago lortu zituen (% 20,66) eta Diputatuen Kongresuan 69 parlamentarirekin sartu zen, PSOErengandik 300.000 boto eskasera.
2015eko ekaineko hauteskundeak errepikatu ziren eta orduan Podemos eta IU elkarrekin aurkeztu ziren Unidas Podemos markaren baitan. Bi alderdien batuketak ez zuen PSOEri aurrea hartzeko balio izan. 71 diputatu lortu zituzten, milioi bat boto galduta.
Podemos sortu zutenen artean Juan Carlos Monedero izan da Pablo Iglesiasekiko leial mantendu den bakarra. Beste fundatzaile gehienak alderdiko buruarengandik urrundu dira. Hori izan da Iñigo Errejon, Carolina Bescansa eta Luis Alegreren kasua. Iñigo Errejonek, gainera, Mas Pais alderdia sortu zuen.
Alderdi barruan izan ditu arazoak, baina baita kanpoan ere. Irene Montero bikotekidearekin batera erosi zuen txaletak zeresan handia eman zuen. Testuinguru horretan, Podemoseko militanteen artean kontsulta egin zuten Pablo Iglesiasen buruzagitza berresteko.
2019ko hauteskunde orokorretan Unidas Podemosek 3,7 milioi boto eta 42 diputatu lortu zituen, 1,5 milioi boto gutxiago eta 29 diputatu gutxiago.
Hauteskunde errepikapenaren ostean, 35 diputatu eta 3,5 milioi boto eskuratu zituen. Emaitza horiekin, gobernu koalizioa osatu zuen PSOErekin, eta Espainiako Gobernuko presidenteorde bihurtu zen.
2021eko martxoaren 15ean iragarri zuen Espainiako Gobernua utzi eta maiatzaren 4ko hauteskundeetara aurkeztuko zela Madrilgo Erkidegoan. Madrilgo Erkidegoan Unidas Podemosen datuak hobetu baditu ere, 261.000 botorekin eta 10 diputaturekin, bosgarren indarra izan da PP, PSOE, Mas Madrid eta Voxen atzetik.
Maiatzaren 4ko hauteskunde gauean bertan iragarri du Pablo Iglesiasek politikagintzan dituen ardura guztiak utziko dituela.
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.