Urkullu: 'Ulertezina da neurri berberen harira ebazpen judizial ezberdinak ematea'
Iñigo Urkullu lehendakariak esan du "ulertezina" dela autonomia erkidegoetan hartutako neurri berberen aurrean epaitegiek "erabat aurkakoak" diren ebazpenak eman izana.
Eusko Jaurlaritzak etxeratze-agindua eta itxiera perimetralak indarrean mantendu nahi zituen, baita taldeko bileren mugatzea ere. Alabaina, EAEko Justizia Auzitegi Nagusiak ebatzi du oinarrizko eskubideak ezin daitezkeela murriztu alarma-egoera indarrean ez badago, eta Eusko Jaurlaritzak irizpide hori kontuan hartu du igandetik aurrera indarrean izango diren neurriak zehazterakoan.
Dekretu horretan badago berritasun bat: ostalaritzaren eta saltokien itxiera-ordutegia 22:00ak arte luzatu dute. Urkulluren iritzian, alarma-egoera indarrean mantentzeko beharra defendatu izana eta orain tabernen eta denden ordutegia zabaltzea "ez da kontraesana".
"Ez ditugu neurriak malgutu edo erlaxatu, testuinguru berrira egokitu gara", adierazi du epaitegien ebazpenari aipu eginez. Halaber, mugikortasuna eta taldean bildu daitezkeen pertsonen kopurua murriztu izana pandemiari aurre egiteko "neurri eraginkorrak" izan direla azpimarratu du.
Ildo horretan, berretsi egin du alarma-egoera luzatzea beharrezkoa dela eta Espainiako Gobernuarekin eta gainerako erkidegoekin "beste alternatiba batzuk" aztertu nahi zituela esan du, neurri komunak adosteko.
Urkulluk esan du "harro" dagoela Pedro Sanchezi alarma-egoera indarrean mantendu zezala eskatu zion agintari bakarra izan delako, hori baita orain arteko neurriak indarrean mantendu ahal izateko aukera bakarra.
Edonola ere, nabarmendu du Eusko Jaurlaritzak ez duela Espainiako Auzitegi Gorenean helegiterik aurkeztuko: "Ez dugu prozesu judizializatu nahi; gizarteari bermeak ematea da gure helburua".
Auto-konfinatzeko deia
Bestalde, ohartarazi du hurrengo hiru asteak "erabakigarriak" izango direla, kutsatzeen intzidentzia-tasa murrizteari eta txertaketa kanpaina azkartzeari dagokionez.
Horrela, bada, arduraz jokatzeko dei egin dio gizarteari, eta etxeratze-agindurik ez badago ere, nor bere borondatez gauean (23:00etatik 06:00etara) kalera ez ateratzeko eta lau pertsonatik gorako taldeetan ez egoteko deia egin du lehendakariak.
Apirilaren 26an goia jo ostean -546 kasu positibo 100.000 biztanleko-, azken egunetan kutsatzeen kopuruak beherako joera hartu duela, baina ospitaleetan egoerak larria izaten segitzen duela azaldu du.
Gauzak horrela, txertaketa kanpaina azkartzea ezinbestekoa dela iritzi dio, eta iragarri du udarako 50 urtetik gorako pertsona guztiek gutxienez dosi bat jasota izango dutela espero duela.
"Azken txanpan gaude eta, horregatik, azken ahalegina egin behar dugu", erantsi du.
EH Bilduk Gotzone Sagardui errefusatzeko Legebiltzarrean egin duen eskaera dela eta, Urkulluk esan du Osasun sailburuak lehendakariaren eta gobernuaren "konfiantza oso" daukala.
Zure interesekoa izan daiteke
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.