Militarrak Ceutara bidalita, migratzaileak kanporatuko dituztela esan du Sanchezek
Pedro Sanchez Espainiako Gobernuko presidenteak iazpimarratu du "irmotasunez" jokatuko duela Ceutan eta Melillan, Espainiaren eta Marokoren arteko mugan, "ordena" bermatzeko.
Halaber, Marokori esan dio migrazioaren arazoa konpontzeko ezinbestekoa dela bi herrialdeen arteko "kooperazioa" eta "mugak errespetatzea".
Ministroen Kontseiluaren ostean, Sanchezek agerraldi instituzionala egin du Moncloa Jauregian, eta ohartarazi du Ceutan izandako migratzaileen iritsiera masiboa "arazo larria" dela Espainiarentzat, baina baita Europar Batasunarentzat ere.
"Presidentea naizen heinean, Espainiaren eta Marokoren arteko mugan migratzaileen kontrola bermatzea dagokit eta Ceutan eta Melillan beharrezkoak diren bitartekoak jarriko ditut krisi humanitarioa amaitzeko eta modu irregularrean sartu diren pertsonak Marokora berehala bueltarazteko", azpimarratu du.
Bart milaka migratzaile iritsi izanaren ardura Marokori egoztea saihestu du eta esan du herrialde hori Espainiaren "laguna eta bazkide" dela, baina krisi honen aurrean "kooperazioa eta elkarlana" ezinbestekoak direla esan du.
"Nire asmoa bi herrialdeen arteko adiskidetasun harremana sendotzea da. Lotura humanoak, historikoak, kulturalak, ekonomikoak eta estrategikoak dauzkagu eta elkarlanean jarraitu behar dugu aurrera egiteko, baina kooperazioa errespetuan oinarritu behar da", gaineratu du.
Ceuta eta Melillako mugan "ordena" berrezarri eta "segurtasuna" bermatuko duela agindu du, "desafioa edozein izanda ere".
Ildo horretan, esan du Espainiak eskura dituen "bitarteko guztiak" erabiliko dituela horretarako eta ziurtatu du Europar Batasunaren babesa duela auzi honetan.
Gauzak horrela, baieztatu du Espainiako Armadaren unitateak eta Estatuko segurtasun indarrak bidali dituela hara, mugen gaineko kontrola zorrozteko.
Espainiako Gobernuak batzorde berezi bat osatuko du, egoeraren jarraipena egiteko. Bestalde, Sanchez hainbat ordezkari politikorekin jarri da harremanetan gertatzen ari denari buruzko informazioa emateko, tartean Pablo Casado PPko buruzagiarekin eta Josep Borrell Europar Batasuneko Atzerri Politikarako ordezkariarekin. Felipe VI.a erregearekin ere hitz egin du.
BIDEOA | Milaka migratzaile sartu dira igerian Ceutan
Albiste gehiago politika
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.
Donostiako Udalak hiru plaka berri jarri ditu, 1979an ETAk hildako Espainiako hiru polizien omenez
Murtziatik etorri berriak, Donostiara iritsi eta hurrengo egunean hil zituzten. 41, 30 eta 29 urtekoak ziren hildakoak, ezkonduta zeuden eta seme-alabak zeuzkaten. Euren senideak, oso hunkituta, izan dira gaurko omenaldian.
Osasun Ituna hobetzeko "tarte handia" dagoela ohartarazi dio EH Bilduk Eusko Jaurlaritzari
Koalizioaren aburuz, sektoreko sindikatu gehienak kontra dituen ituna ez da batasun akordio bat. Dena den, neurri horiek aplikatzeko orain hasiko den laugarren fasera begira, erantzukizunez jokatuko dutela iragarri du, osasun sistema publikoa bermatu dadin ziurtatzeko.
Francisco Salazarrek uko egin dio PSOEren zuzendaritzari, sexu-jazarpen salaketen ostean
Rebeca Torro Antolakuntza idazkariaren albokoa izan behar zuen Hauteskunde Ekintza eta Analisirako Idazkaritzan. Salazar ez da PSOEren Exekutiba Federal berriko kide izango, eta Pedro Sanchezen aholkulari gisa Moncloan zuen kargutik "behin-behinean" kentzeko eskatu du. Zehazki, Gobernuko Lehendakaritzaren koordinatzaile instituzionala zen.