Fiskaltzak ikerketapean zegoela jakinarazi ostean kitatu zituen zorrak Ogasunarekin Juan Carlos I.ak
Auzitegi Goreneko Fiskaltzak bere ondasunak ikertzen ari zela jakinarazi zion Juan Carlos I.a Espainiako errege ohiari, haren abokatuei jakinarazpenak bidalita 2020ko ekainean, azaroan eta abenduan.
Errege emerituak 2020ko abenduan ordaindu zituen Espainiako Ogasunarekin zituen zorrak: 678.3939,72 euro. Aurrez, baina, Fiskaltzaren ohartarazpena jaso zuela baieztatzen bada, erregularizazio horrek ez luke baliorik izango eta, ondorioz, auzitara eraman lezakete, El Pais egunkariak informatu duenez.
Garai hartan egin zen publiko Fiskaltzak bere kontrako ikerketa bat jarri zuela abian, kreditu txartel opakoak erabiltzea egotzita. Ikertzaileen arabera, Allen Sangines-Krause enpresari mexikarraren eskutik jaso omen zuen dirua.
Lehendabiziko ordainketa egin ondotik bigarrena egin zuen (2021ko otsailean iragarri zuten), hainbat urtetan deklaratu gabeko errentengatik. Oraingoan lau milioi euro inguru ordaindu zizkion Ogasunari, El Pais egunkariak zabaldu zuenez.
Ikerketaren arabera, Zagatka Fundazioaren bidez Juan Carlos I.ak hegazkin pribatuetan egindako gastuak -8 milioi- ordaindu zituzten.
Juan Carlos I.ak 2014an abdikatu zuen eta orduan galdu zuen errege izateagatik zegokion immunitatea, baina bere gastuak 2018ra ordaindu zizkioten eta, ondorioz, lau urte horietan egindako irregulartasunengatik auzitara eraman dezakete.
Zigor Kodearen 305.4 artikuluaren arabera, Ogasunarekin izandako zorrak kitatutzat joko dira nork bere borondatez egiten baldin badu, eta Fiskaltzak, Estatuko Abokatuak edo administrazio publiko batek salaketa bat aurkeztu aurretik edo ikerketapean dagoela jakinarazi aurretik burutu bada.
Espainiako errege ohiak urtebete baino gehiago darama Saudi Arabian ihes eginda eta oraingoz ez dute haren kontrako kereilarik jarri. Alabaina, bere egoera erregularizatu aurretik Fiskaltzaren jakinarazpena jaso zuela baieztatzen bada, izapide horiek baliogabekoak izango lirateke eta, ondorioz, Juan Carlos I.ak auzitegian amaitu beharko luke, Zigor Kodea kontuan hartuta.
Fiskaltzak oraingoz ez du ezer argitu El Pais egunkariak zabaldutako informazioaren harira.
Zure interesekoa izan daiteke
EAJk borondate politikoa eskatu du "Gernika" lekuz aldatzeko aukera teknikoetan sakontzeko
Maribel Vaquero EAJk Kongresuan duen bozeramaileak ziurtatu du ez dituela zalantzan jartzen Reina Sofia museoko adituen txosten teknikoak. Horien arabera, ez da komeni da koadroa mugitzea; hala ere, adituen txosten gehiago eskatu ditu. "Gauza ezinezkoagoak ikusi ditugu", ziurtatu du.
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNren senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroa Iruñeko aireportuaren egungo ereduaren alde agertu da, baina aitortu egin du aire-trafikoa "hobetu" daitekeela. Haren hitzetan, Iruñekoa aireportuko bidaiari kopurua % 40 hazi da 2018tik; Estatuko daturik altuenetakoa da hori.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.