Ikus-entzunezko Legean hizkuntza koofizialak babesteko mekanismoak sartzea adostu dute PSOEk eta ERCk
PSOE eta Esquerra Republicana (ERC) akordio batera iritsi dira ostiral honetan, Ikus-entzunezko Lege berrian hizkuntza koofizialen babeserako mekanismoak sartzeko. Itun horren ondorioz, independentistek ez dute osoko zuzenketarik aurkeztu 2022ko Estatuko Aurrekontu Orokorretarako. Kongresuan datorren asterako aurreikusita dagoen lehen izapidea gainditzea erraztuko die horrek.
Edonola ere, ERCk iragarri du akordioa gauzatzeko "katalanezko ekoizpen-kuota ezarri" beharko dutela, eta eurek erabakiko dutela gutxieneko hori. Sozialistek, berriz, oraindik formula egokiena aurkitu behar dutela diote hizkuntza koofizialetan "ekoizpenen ehuneko bat" bermatzeko, eta kuotak alde batera utzi dituzte.
Hala jakinarazi dute Gabriel Rufian Kongresuko ERC taldeko bozeramaileak eta Felipe Sicilia PSOEko bozeramaileak, akordioa iragartzeko behe-ganberan eskainitako prentsaurrekoetan.
Etorkizuneko legearen aurreproiektua ezagutu zenetik, ERCk eta gainerako talde nazionalista eta independentistek sarritan azpimarratu dute legeak Netflixen gisako plataforma digitalei kuota hori betearaztearen beharra.
Legearen aplikazioan desadostasunak
ERCren bozeramaileak nabarmendu duenez, alderdiak "ez du sektore osoa suntsituko duen legerik babestuko". Halaber, defendatu du Katalunian 26.000 lanpostutik gorako industria bat kuota horren menpe dagoela.
Rufianek adierazi du "zaila" izan dela "gobernu aurrerakoi honek aniztasun linguistikoa aitortzea". Azpimarratu du Europako direktibak aniztasun linguistikoarekiko errespetua eta babesa eskatzen dituela, beste zenbait herrialdek jada egin duten bezala; Frantziak edo Belgikak, adibidez.
Bestalde, Siciliak azaldu duenez, "hizkuntza koofizialak bermatzeko helburua lortzeko mekanismorik onena zein izan daitekeen aztertuko dugu".
PSOEko bozeramaileak argi utzi du ikus-entzunezko plataforma handien interesek ez dutela zertan Gobernuak eta ERCk dituztenen "aurkakoak" izan. "Gure herrialdeko hizkuntza koofizialak babestu behar ditugu", errepikatu du. "Ez dut uste plataformek arazorik izango dutenik, hau guztiontzat da aberasgarria", hausnartu du.
Gainera, argudiatu du Gobernuak prestatuko duen eta ERCrekin adostuko duen Ikus-entzunezko Legeak ekoizpenean lan egiten duten baliabide urriko enpresa "txikiagoen" interesak ere aintzat hartzen dituela, Gobernuak lanpostu horiek ere zaindu behar baititu.
Aurrekontuak aurrera ateratzea ahalbidetuko duen akordioa dela defendatu du PSOEko bozeramaileak, eta, horregatik, "pozik" daudela.
Zure interesekoa izan daiteke
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.
Estefania Ocariz, gazte-justizian aditua, Arartekoaren ondokoa izango da
Psikologian doktorea izateaz gain, Psikologia Juridikoan masterra du eta gazte-justiziari buruzko hainbat argitalpen eta txosten egin ditu.
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekuetatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrari begira, aldiz, CHAren gorakada gorabehera (3 diputatutik 6ra), atzeraldian dela agerian da. PSOE minimo historikoan kokatu da (18 eserleku), eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkatea ez da Loiolako etxebizitza proiektuaren inguruan sortutako "zalaparta" horretan sartu, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.
Arnaldo Otegi: "Espainiak aukera ematen digu hauteskundeetan herri gisa hitz egiteko, eta guk, siglak baino, herri-ahots demokratikoa izan nahi dugu"
EH Bilduk ez du bat egiten Gabriel Rufianek PSOEren ezkerrera dauden alderdiak elkartzeko egindako proposamenarekin, hauteskunde orokorretarako EH Bilduk baduelako jada estrategia bat ezarria, "siglen gainetik herria" jartzea, eta, horren harira, EAJri "herri gisa" jarduteko egindako gutxiengoen proposamenaz aritu da astelehen honetan Euskadi Irratian.
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.