EAJk eta EH Bilduk 2022ko aurrekontuetan zuzenketak sartzen jarraitzen dute
EAJk 32 zuzenketa gehiago barneratu ditu Estatuko Aurrekontu Orokorretako lege-proiektuan, besteak beste, 17,1 milioi euro trenbideetarako. Kopuru horretatik, 8,7 milioi euro Miranda Ebro-Amurrio tarteko, Donostiako, Anoetako, Urnietako, Ortuellako eta Aranguren-Balmaseda tarteko trenbide-pasaguneak kentzeko izango dira.
Guztira, 15 zuzenketa onartu dituzte trenbide azpiegituretarako udalerri ezberdinetan. Bestalde, Luiaondo (Aiara), Itsasondo, Pasaia, Irun, Zorrotza eta Santurtziko geltokiak birmoldatzeko 5,4 milioi euro lortu dituzte.
EAJk jakitera eman duenez, oraingoz 41 zuzenketa sartu dituzte aurrekontuetan, 30 milioi euroko balioa dutenak.
Batzordean tramitea babestu ondoren, EAJk Senatuan aurrekontuak eztabaidatzen jarraitzen espero du, AHTaren Bilboko lurperatzea bideratzeko asmoz kontuei behin betiko baiezkoa eman baino lehen.
Batzordearen hirugarren eta azken jardunaldian, ikerketa, garapen eta berrikuntzan, kulturan eta azpiegituretan inbertsioak onartzea erdietsi dute jeltzaleek.
Udalerrietako proiektuei dagokionez, Zumaia eta Getaria arteko pasealekua eta Plaiaundi ibarra (Irun) lehengoratzeko lanak; Argantzun eta Araba lotzeko Zadorra ibaiaren gainean zubi bat eraikitzeko lanak; eta Bilboko Itsasadarra 2000 proiektua itxi ditu EAJk. Guztira, 4,37 milioi euro bideratuko dira horietara.
Bestalde, EH Bilduk Sestaoko labe garaia birgaitzeko eta tren azpiegituretan inbertitzeko partidak sartu ditu Estatuko Aurrekontu Orokorretan.
Gainera, amiantoaren biktimei kalte-ordaina emateko 25 milioi euroko funts bat adostu dute koalizioak eta Espainiako Gobernuak, EH Bilduk ostegun honetan goraipatu duenez.
Zuzenketen bigarren paketean, koalizioak Sestaoko labe garaia (Bizkaiko labe garai zaharra) birgaitzeko proiektu bat barneratu du koalizioak, Bizkaiko industria garaia ardatz duen turismoa erakartzeko egitasmo bat sortzeko helburuarekin.
Trenbide azpiegiturei dagokienez, Barakaldon, Renfe aldirietako C1 lineako geltokiaren irisgarritasuna hobetzeko zuzenketa bat adostu du EH Bilduk, bertan bi igogailu jartzeko. Santurtziren eta Bilboko Portuaren artean trenak sortzen duen zarata murrizteko beste aurrekontu-sail bat lortu du koalizioak. Bi partidek milioi bat eurotik gorako lanak bideratuko dituzte.
Era berean, Gasteiz, Agurain eta Irurtzun arteko pista baten bidez, Plazaola bide berdearekin lotzeko milioi bateko saila jasoko dute kontu publikoek. Horrela, Araba eta Nafarroa lotuko dituen bide berde bat sortuko dute.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.