Mariano Rajoyren agerraldiarekin amaituko da gaur Kitchen auziko ikerketa batzordea
Diputatuen Kongresuan, gaur amaituko dira Kitchen auziko ikerketa batzordeko agerraldiak, Mariano Rajoyrekin. PPko eta Espainiako Gobernuko presidente izandakoa arratsaldean agertuko da batzordearen aurrera, eta, aurreko orduetan aurreratu duenez, Luis Barcenas PPko diruzain ohiari ustez egindako espioitza sareari buruzko galderei erantzuteko prest joango da. Aurrez, Maria Dolores de Cospedal PPko idazkari nagusiak edota Jorge Fernandez Diaz Barne ministro ohiak uko egin zieten galderei erantzuteari.
Martxoaren 17an abiatu zen ikerketa batzordea, eta orain arte bertatik igaro diren Espainiako Gobernuko kide eta PPren arduradun izandako guztiek ukatu egin dute Rajoyk Kitchen auzian erantzukizunik izan zuela.
Ostiralean Onda Cero irrati kateari eskaini zion elkarrizketan aurreratutakoaren arabera, galderei erantzungo die, baina ukatu egingo du Jose Villarejo komisarioa izandakoarekin inongo harremanik izan zuela. Are gehiago, inoiz ez duela ikusi azpimarratuko du.
Villarejo komisarioak, bere aldetik, kontrakoa esan du batzordearen aurrean egin dituen bi agerraldietan. Horren esanetan, Rajoyk bazuen espioitza sarearen berri, eta telefonoz ere hitz egin zuen berarekin.
Rajoyren agerraldiaren ostean, Kitchen auzia ikertu duen batzordeak hilabete amaierara arteko epea izango du ondorioak adosteko. Gero, 2022ko Kongresuko lehen osoko bilkuran bozkatuko dute ikerketa batzordearen txostena.
Zure interesekoa izan daiteke
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du lehendakariak argazki bat bilatu duela Madrilen, eta akordioa kea baino ez dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Etchegarayk eta Blancok Baionako eta Biarrizko alkate kargua hartuko dute gaur
Atzo, aldiz, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.
Lehendakaria: “Adostutakoa oso ona izango da euskal ekonomiaren lehiakortasunarentzat eta ongizatearentzat”
Egungo egoerak lankidetza erritmo handiagoa eskatzen duela esan du Imanol Pradales lehendakariak, Pedro Sanchez Espainiako Gobernuko presidentearekin transferentzien inguruko akordioa lortu ostean.
Delituak errepikatzen dituztenei aplikatu beharreko irizpideak gogortzea adostu dute Pradalesek eta Sanchezek
Arma zuriak eramateagatik indarrean dagoen zehapen-araubidea indartu egingo da, aldaketak bultzatuko dira delituak errepikatzen dituzten delitugileekin erabili beharreko araudian, eta Ertzaintzak atzerritartasun esparruan parte-hartze operatibo "erabilgarria" izatea erraztuko da.
Euskadik aireportuen kudeaketan parte hartuko du, lehendakariak Pedro Sanchezekin adostu ostean
Bilkurak bestelako akordio batzuk ere ekarri ditu, hala nola herritarren segurtasuna hobetzekoak edo industria arloko enpresa ertain eta txikiei laguntzeko neurriak.
Pradales Sanchezekin bildu da Irango gerra, Euskadi iparraldeko muga gisa hartzea eta medikuen greba aztertzeko
Transferentziak eta Tubos Reunidosen zorraren berregituraketa ere aztertuko dituzte. Espainiako Gobernuak eta Eusko Jaurlaritzak Aldebiko Batzordearen laugarren bilera dute gaurkoa Moncloan.