'Gerra zikina' defendatu eta "polizia brigada sekretu" bat dagoela ziurtatu du Villarejok
Jose Manuel Villarejo komisario erretiratuak asteazken honetan ziurtatu duenez, bera bezala lan egiten duen "polizia brigada sekretu" bat dago egun. Gainera, ETAren aurkako 'gerra zikina' defendatu du: "Terroristak akabatu behar ziren, eta nire lankideek oso ondo egin zutela uste dut".
Kitchen batzordean egindako bigarren agerraldian, Jon Iñarritu EH Bilduko diputatuaren galderei erantzun die. Eduardo Moreno Bergaretxe Pertur ETA politiko-militarreko buruzagiaren heriotza mintzagai izan du Iñarrituk. 1976an desagertu zen.
"ETAren erabaki bat izan zen", esan du Villarejok Pertur-i buruz. "Ez du ematen benetan", erantzun dio EH Bilduko diputatuak. Ondoren, "tamalez, baietz uste dut", erantsi du komisario erretiratuak. "Bi edo hiru munduan barna galdu egin ziren", berretsi du.
"Nik zoritxarrez ez nuen parte hartu, gustatuko litzaidake. Politikoki zuzena ez dela badakit, baina amarekin eta aberriarekin, arrazoiarekin eta arrazoirik gabe. Terroristak akabatu behar ziren, eta nire lankideek oso ongi egin zutela uste dut", argudiatu du polizia ohiak.
Frankismoko Polizia "sekretuaren" eskutik iritsi zen demokraziara Villarejo, eta ironiaz mintzatu da asuntoaren inguruan: "Mugimenduaren printzipioak zin egin nituen". Iñarrituk gaineratu dio: "erregea bezala".
Poliziako buruzagiek, tartean Eugenio Pereiro Informazio Zerbitzuen komisarioak, adierazitakoaren inguruan galdetu dio Iñarrituk. Pereirok azaldu zuenez, orain "leialtasuna" dago, eta poliziek ez dute nagusiek jakin gabe ekiten.
"Zeinen xelebrea", adierazi du Villarejok, Laureano Oubiñari narkotrafikoa leporatzeko mikrofonoak "polizia ikaragarri" horrek jarri zituenenean. "Isilpeko polizia brigada bat existitzen da, Europako herrialde guztietan bezalaxe", zehaztu du.
Kitchen operazioan zuen paperaz jabetzeko Rajoyrekin bildu zen
Villarejok ziurtatu duenez, PPren egoitzan izan zen 2014ko martxoan, Mariano Rajoy Espainiako presidentearekin biltzeko. Kitchen operazioan, Luis Barcenas PPko altxorzain ohia zelatatzeko sarean, Rajoyk berak aginduak ematen zizkiola egiaztatu nahi zuen poliziak.
Villarejok operazioaren inguruko bere bertsioa diputatuei kontatzen dien bigarren aldia da. Ikerketa batzordearen bigarren fasea hasi da asteazken honetan. PP estutasunean jarri zezakeen dokumentazioaren bila, Barne Ministerioaren baliabideak Barcenas zelatatzeko erabili ote ziren ikertzen ari dira.
Kitchen operazioaren inguruan Rajoyrekin telefonoz berba egin zuela berretsi du Villarejok. Gainera, 2014ko martxoan, Cospedalen bulegoan, PPren egoitzan, presidente ohiarekin bildu zela ziurtatu du. "Aginduak nork" ematen zizkion argi izan nahi zuela azpimarratu du komisarioak, bitartekoen "asmakizun" bat zenik baztertzeko.
Izan ere, uste hori zuen, Villarejok azaldu duenez. Rajoyk SMS bidez galdera zehatzak egin zizkion operazioari buruz, nahiz eta "bitartekoei" unean-unean informazioa eman: Maria Dolores de Cospedal PPko idazkari nagusi ohiari, Jorge Fernandez Diaz Barne ministro ohiari eta Francisco Martinez haren bigarrenari.
Rajoyrekin "beste hiru edo lau aldiz" bildu zela errepikatu du Villarejok, baina Barcenasen asuntoaz ez zuten hitz egin.
Ohiko musuko beltz eta Espainiako bandera jantzi ditu Villarejok agerraldian. CNI eta Felix Sanz Roldan zuzendari ohia jomugan izan ditu berriro.
Juan Carlos I.arentzako testosterona inhibitzaileak
Bestalde, komisario erretiratuak ziurtatu duenez, Juan Carlos erregea "hain kartsua" izatea "Estatu gaia" zen askorentzat, eta "hormona femeninoak" eta testosterona inhibitzaileak fabrikatzera iritsi ziren, libidoa jaisteko.
Corinna Larsen errege emerituaren lagunak Villarejori esan zion bere garaian, Juan Carlos erregeari hormona femeninoak eman zizkiotela, "indarra kentzeko".
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.