Villarejorekin lotuta Repsol, CaixaBank, Fain eta Brufauren aurka abiatutako auzia artxibatu du epaileak
Villarejo komisario ohia kontratatzeagatik Repsol eta Caixabanken aurka abiatutako ikerketa artxibatu du Manuel Garcia Castellon Auzitegi Nazionaleko epaileak, baita Isidro Fain finantza erakundeko presidente ohiaren eta Antonio Brufau petrolio konpainiako presidentearen aurkako auzia ere.
Auzitegi Nazionaleko epaileak ostegun honetan sinatutako epai batean azaldu duenez, beharrezko izapideak egin ostean, ez dute Brufauk edo Fainek gertakarietan "zuzenean edo zeharka" parte hartu duten zantzurik aurkitu.
Uztailaren 8an, epaileak Repsol eta CaixaBank inputatu zituen Jose Villarejo komisario ohiari egindako enkarguen auzian, Luis del Rivero Sacyrreko presidente ohia ikertzeko helburuarekin; Brufau eta Fain apirilaren bigarren astean inputatu zituzten.
Alabaina, ikerketa fasean inolako "zantzurik topatu gabe", ezinezkoa da presidenteei "gainbegiratze eta zaintza korporatiboko betebehar bat leporatzea, horretarako eskumena duten organoen esku baitago". Epaileak nabarmendu duenez, bitarte honetan ez dute Fainek eta Brufauk "egitateetan zuzenean esku hartu zutela adierazten duen frogarik aurkitu".
Testuinguru horretan, epaileak uste du "ez dela ahaztu behar enpresa batek pairatzen duen egoera, pertsona juridikoari ez ezik, presidentearen irudiari ere egozten zaionean ardura, enpresa barruko eta kanpoko konpainiaren ordezkari nagusia baita".
Auzitegi Nazionaleko epailearen arabera, "prozesu penalek ez dute bidegabeko atzerapenik izan behar" eta "enpresaren ospean eragin dezaketen kalteak saihestu behar dira".
Hortaz, Repsol eta Caixabanken aurkako ikerketa artxibatu izanari dagokionez, epaileak uste du "ezin zaiola pertsona juridikoari erantzukizunik eskatu bere zuzendari edo langileren batek Zigor Kodean aurreikusitako delituren bat egiteagatik".
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.