Espainiako Gobernuko presidenteak Gorte Nagusiak desegitea eta herritarrak hautestontzietara deitzea erabaki du, ostiralean Kongresuak etxebizitzari buruzko dekretuei ezetz esan ostean.
Madrilgo Justizia Auzitegi Nagusiak (TSJM) baztertu egin du Madrilgo Puerta del Solen dagoen etxebizitzaren aldeko kanpaldia hustea, Espainiako Gobernuaren Ordezkaritzaren bitartez, Isabel Diaz Ayusoren eskualdeko Gobernuak kartelaz eskatu bezala.
Auzitegiaren arabera, erabakia ezin da "behar bezalako bermeekin hartu Estatuko Administrazio Orokorrari entzun gabe".
Podemos prest dago azaroaren 29ko hauteskunde orokorretan Sumarren aliantza berriko alderdiekin koalizioan joateko, baina, horretarako, primarioak nahi ditu. Data ere jarri du: urriaren 14an eta 15ean.
Bestalde, Sumar koalizio berriko lau alderdiek (Sumar Mugimendua, IU, Mas Madrid eta komunak) ez dute hautagaitzarako liderrik, baina urriaren 17an Fronte Zabala izena izango lukeen proiektua aurkezteko asmoa dute.
Aitor Esteban EAJren EBBko presidenteak esan du jeltzaleak ez daudela "blokeak defendatzeko", Euskadiren interesak baizik, "elkarrizketa, negoziazio eta akordio eredu arrakastatsuaren barruan".
"Madrilek bere borrokak izango ditu, baina Euskadik bere interesak defendatu behar ditu", adierazi du Estebanek, eta gogorarazi du EAJk hilabete dezente zeramatzala esaten legegintzaldiak ezin zuela jarraitu "proposamen zehatzak aurrera ateratzeko gutxieneko komunik gabe".
"Gobernatzea ez delako eustea soilik. Akordioak eta herritarren onerako aurrerapausoak lortzeko instituzio-gailua erabiltzea da gobernatzea", gaineratu du.
Gorka Elejabarrieta Harreman Politikoetarako idazkari eta EH Bilduko senatariak esan duenez, koalizioa "prest" dago. Uste duenez, badago aukera "beste behin ere eskuinari ateak ixteko". EH Bildurentzat, "ez zen hain garrantzitsua noiz, baizik eta zertarako deitzen diren hauteskundeak".
Senatariaren ustez, Euskal Herria ere prest dago, "asteburu honetan mobilizazio jendetsuekin erakutsi duen bezala".
Gaur arratsaldean bilduko da EH Bilduko idazkaritza nazionala eta, ondoren, Arnaldo Otegik agerraldia egingo du prentsaren aurrean.
Felix Boñalos eta Oscar Puente ministroen mezuak X sare sozialean.
Gorte Orokorrak desegiteko ezohiko bilerak badu ordua: 11:30ean izango da Ministroen Kontseilua.
Denis Itxaso Etxebizitza eta Hiri Agenda sailburuak uste du Pedro Sanchez presidenteak planteatutako "plebiszitua aukera paregabea" izango dela Espainiako gizarteak "gauza asko erabakitzeko". Halaber, Sanchezek ez dagoela "defentsiban", baizik eta "irabaztera" eta "kontzientziak konkistatzera" irten dela, "Espainia herrialde hobea bihurtzeko, eskuin muturrak dena aurretik eramaten ari den nazioarteko testuinguru batean".
Kontseilari sozialistak adierazi du hauteskundeak etxebizitzaren eta ongizate-estatuarekin lotutako beste gai batzuen inguruan egitea "mundua une honetan bizi duen egoeran beharrezkoa baino gehiago den agertoki politikoa" dela.
Asteburu honetan zehar, alderdi politikoek bere iritzia eman dute balizko hauteskunde aurrerapenaren aurrean.
ETXEBIZITZA DEKRETUAK BERTAN BEHERA
Espainiako Gobernuko presidenteak asteburua hartu du bozak aurreratuko dituen hausnartzeko, eta gainerako indarrak kanpainaurre bete-betean murgildu dira ezinbestean.
Hautagaitza zerrendak Hauteskunde Batzordean aurkeztu beharko dira 15-20 eguneko epean. Alderdiak koalizioan aurkeztuz gero, 10 egun izango dituzte horren berri emateko.
Espainiako Gobernuko presidenteak hauteskunde deialdiaren berri eman dio erregeari, eta Ministroen Kontseilu ezohikoa deitu du Gorte Orokorrak desegiteko. Orain, martxan jarriko da hauteskundeen egutegia.
Lehenengo urratsa deialdia ofizialki argitaratzea da. Bihar, urriaren 6an, egingo da.
Espainiako Gobernuko presidenteak amaiera eman dio legegintzaldiari, Kongresuak etxebizitza-krisiari aurre egiteko neurriak bertan behera utzi eta gero.
Hauteskundeak
Espainiako Gobernuko presidenteak amaiera eman dio legegintzaldiari, Kongresuak etxebizitza-krisiari aurre egiteko neurriak bertan behera utzi eta gero. Sanchezek "eskuin-muturarren olatuaren" eta "justizia soziala defendatzen duen Espainiaren" artean erabakitzeko dei egin die herritarrei.
