Villarejok berretsi egin du Rajoy Barcenasen ustezko espioitzaren jakitun zela
Jose Manuel Villarejo komisarioak epailearen aurrean deklaratu du berriro ostiral honetan, 'Kitchen Operazioa'ren harira. Luis Barcenas PPko diruzain ohiari egindako ustezko espioitzaren inguruan Mariano Rajoy Espainiako Gobernuko presidente ohiarekin mezu bidez hitz egin zuela berretsi du. Hala, Maria Dolores de Cospedal, Jorge Fernandez Diaz eta Soraya Saenz de Santamaria Gobernuko beste kide batzuk ere inplikatu ditu komisarioak.
Galdeketan parte hartu duten iturrien arabera, Villarejok berretsi egin du Kitchen auziarentzat hasi zela lanean, Barne Ministerioak hala eskatu ziolako. Oraingoan, bere deklarazioetan sartu ditu baita ere Fernandez Diaz ministroa, Francisco Martinez Segurtasunerako Estatu idazkari ohia, Ignacio Cosido Poliziako zuzendari nagusi ohia eta Eugenio Pino zuzendari laguntzaile operatiboa (DAO).
Era berean, Rajoyren telefono zenbakiak eman zizkiotela azaldu du, mezu bidez berarekin komunikatzeko erabili zituenak. Komisarioaren arabera, Gobernuko presidentea ez zen fidatzen Barne Ministerioak Kitchen auziari buruz ematen zion informazioaz, eta beste komunikazio kanal bat bilatzearren jarri zen berarekin harremanetan.
Horrekin batera, Maria Dolores de Cospedalekin zuen harremana argitu du, eta ministro zela berarekin bildu zela aitortu du. Hala, komisarioa Cospedali jende asko ezagutzen zuen agente ohi gisa aurkeztu zutela azaldu du, baina inoiz ez ziola enkargu zehatzik egin. Villarejoren arabera, partekatutako guztia informazio judizializatua izan zen.
Halaber, Saenz de Santamariak bidalitako loturaren batekin hitz egiten zuela esan du. Izan ere, Barcenasi egindako espioitzari dagokionez, presidenteordea CNIko arduradun nagusi gisa informatu zutela uste du. Horrez gain, 'Kitchen' a zeharka ezagutzen zuela gaineratu du, nahiz eta ez duen argitu izan nahi informatzen zuten pertsona horiek nortzuk ziren.
Villarejok Fernandez Diazekin izandako harremana azpimarratu nahi izan du bereziki. Horren arabera, hainbat aldiz bildu zen ministroarekin, eta 'Kitchen' aren garapenean paper garrantzitsua izan zuen. Hala ere, susmatzen du operatiboa martxan jartzeko ekimena ez zela berea izan, Rajoyrekin edo presidenteordearekin adostu zuela baizik.
Sanchez Galanen inputazioa, bertan behera
Ignacio Sanchez Galan Iberdrolako presidentearen deklarazioa bertan behera utzi du Auzitegi Nazionaleko Instrukzioko sei zenbakiko epaitegi zentraleko titularrak, Jose Villarejo komisario ohiari eskatutako lanak direla eta.
Ostiral honetako probidentzia batean, epaileak bost eguneko epean Iberdrolak eskatutako "deuseztasunaren berri" emateko eskatu die ustelkeriaren aurkako Fiskaltzari eta gainerako alderdiei, Iberdrolaren egoera prozesala konpontzeke dagoelako.
Ebazpena eman ondoren, epaileak gaineratu duenez, "hala badagokio, beste seinalamendu bat egingo da", argindar enpresak Villarejoren zerbitzuak kontratatu ote zituen argitzeko, besteak beste, Florentino Perez ACSko presidentea zelatatzeko.
Enpresaren ordezkaritza legalak Jose Antonio del Olmo Kontrol Korporatiboko arduradun ohiaren aurka 2020ko urtarrilean aurkeztu zuen kereila ekarri du gogora, ustez berak egindako dokumentu bat faltsutzeagatik, Villarejo komisario ohiaren "Cenyt" enpresa bati egindako ordainketez ohartarazteko.
Epaileak kasuari dagozkion izapideak pilatu zituen orduan. Hala ere, konpainia "harrituta" agertu da, ia urtebete igaro ostean, "oraindik ez dakielako zer gertatu den" edo frogarik baduten.
Hori dela eta, maiatzaren 27tik ekainaren 25era bitartean hartutako erabaki guztiak baliogabetzea eta auzia une horretara atzera eramatea eskatzen du, defentsa-eskubidea gauzatu ahal izateko.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.