Sanchezek autogobernuarekin duen konpromisoa nabarmendu du Itxasok, eta presarik ez izateko eskatu
Denis Itxaso Espainiako Gobernuak Euskadin duen ordezkariaren esanetan, Espainiako Gobernuak konpromiso "irmoa eta argia" du Gernikako Estatutuaren garapenarekin, eta adostutako transferentziak eskualdatzeko negoziazioak "biziak" izaten ari dira Eusko Jaurlaritzarekin. Hartutako konpromisoak atzeratzen ari direlako zabaldutako kritiken aurrean, presarik ez izateko eta "azken argazkiaren zain" egoteko eskatu du.
Gaur goizean Gasteizen eskaini duen prentsaurrekoan, legegintzaldi erdiko balorazioa egin du Denis Itxasok, eta Espainiako Gobernuak hartutako konpromisoetatik zeintzuk bete diren azaldu du.
Espainiako Gobernuak bere gain hartutako konpromisoen betetze-maila aztertu duen txostena aurkeztu du. Transferentzien inguruan aurrerapausorik ez dela izan diotenei erantzunez, Pedro Sanchezen gobernuak Euskadirekin duen "konpromisoa" nabarmendu du Denis Itxasok.
Gobernu ordezkariaren arabera, Espainiako Gobernuak konpromiso "irmo eta argia" du 1979ko Gernikako Estatutuarekin. "Egutegi bat badago, eta negoziazioak biziak dira. Hainbat gai lantzen ari dira, baina azkeneko argazkira arte itxaron behar da", esan du, transferentzietan "azkarrago joateak konpromiso gehiagorik ez dakar" esan aurretik.
Bizitzeko Gutxieneko Diru Sarreraren (BGDS) eskumena Euskadira iritsiko da
Bizitzeko Gutxieneko Diru Sarreraren (BGDS) eskumena Euskadira iritsiko dela azpimarratu du, nahiz eta ez duen datarik zehaztu. Halaber, gai horren inguruan itxurarik ez egiteko eta tentsiorik ez eragiteko eskatu du, zeharka EAJri aipamena eginez.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".