Nafarroako Parlamentuak ez du Santos Indurain eta Carlos Artundo gaitzesteko mozioa onartu
Santos Indurain eta Carlos Artundo "Osasun kontseilaria eta Nafarroako Gobernuko Osasun zuzendari nagusia politikoki gaitzesteko" proposamena atzera bota du Parlamentuak. "Norabiderik gabeko kudeaketa" leporatu dio Navarra Suma eskuineko koalizioak.
Mozioak Navarra Suma koalizioaren aldeko botoak baino ez ditu jaso; PSN, Geroa Bai, Ahal Dugu eta Ezkerra kontra agertu dira, eta EH Bildu abstenitu egin da.
Cristina Ibarrolak (NA+) adierazi du herritarrak osasun sistemaren egoerarekin "nazkatuta" daudela, "kudeaketa txarraren ondorioak pairatzen ari direlako". Egoerari buelta ematea "zaila" izango dela eta horretarako "kudeaketa eta pertsonak" aldatzea ezinbestekoa izango dela iritzi dio.
Patricia Fanlok (PSN), berriz, osasun sektoreko langileen lana azpimarratu du, pandemiako lehen lerroan egoteagatik.
Ana Ansak (Geroa Bai) zehaztu du osasun zerbitzuaren egoera larria "duela urte asko sortu ziren arazo estrukturalen ondorio" dela.
Txomin Gonzalezek (EH Bildu) azaldu du gaitzespen mozioaren aurrean abstentzioaren alde egin duela koalizioa subiranistak, hobetzeko asko dagoela uste dutelako. "Mozioak ez du ekarpenik egiten bide horretan", erantsi du.
Ildo beretik aritu da Mikel Buil (Podemos), eta kontseilariari esan dio ez dutela bakarrik utziko.
Marisa de Simonek (I-E) ere bere babesa agertu dio Induraini, desadostasunak dituztela aitortu arren.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.