PSOEk eta EAJk bilera egin dute, gutxieneko diru-sarreraren transferentziari lotutako polemika bideratzeko
PSOEko eta EAJko ordezkaritzak Bilbon bildu dira ostegun honetan, Bizitzeko Gutxieneko Diru-sarreraren transferentzia desblokeatzeko eta azken asteetan eskumen horren harira sortutako ika-mika amaitzeko.
Alderdi Sozialistaren ordezkaritza Santos Cerdan PSOEren Antolakuntza idazkariak, Hector Gomez Kongresuko bozeramaileak eta Eneko Andueza PSE-EEko idazkari nagusiak osatu dute.
EAJren izenean, berriz, Andoni Ortuzar EBBko presidentea eta Aitor Esteban Kongresuko bozeramailea izan dira.
Bi alderdiek 2020ko maiatzean adostu zuten Bizitzeko Gutxieneko Diru-sarreraren eskumena transferitzea, baina ez dute akordioa gauzatu eta Espainiako Gobernuak aldi baterako lagapena izatea nahi du orain. EAJk onartezintzat jo du aukera hori.
"Azken papera bidaltzea eta bi gobernuen zigilua jartzea bakarrik falta zenean, onartezina den beste gauza bat saldu nahi digute: 10 urteko lagapen bat, denboran gehiago luzatzeko aukerarekin, baina hori ez da transferentzia bat eta horrela ez da Gernikako Estatutua betetzen", esan du Andoni Ortuzarrek gaur goizean Radio Euskadiko "Boulevard" saioan egindako elkarrizketan.
Gauzak horrela, eta akordioa hasierako terminoetan betetzen ez bada, EAJren eta Pedro Sanchezen arteko harremanak Kongresuan hautsi egingo direla ohartarazi du buruzagi jeltzaleak.
Eguerdian, Isabel Rodriguez Lurralde Politikako ministroak berretsi du Espainiako Gobernuaren "konpromiso politikoa erabatekoa" dela eta gutxieneko diru-sarreraren eskumenaren transferentzia gauzatuko dutela, baina oraindik hainbat izapide egin barik daudela.
Ildo horretan, gogora ekarri du abenduaren 30ean Ministerioak dokumentu berri bat igorri ziola Eusko Jaurlaritzari eta erantzunaren zain daudela.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.