Ortuzar: "Gutxieneko diru-sarreraren transferentzia eskualdatzen ez badute, dena pikutara joango da"
Andoni Ortuzar EAJren EBBko presidenteak ohartarazi duenez, Espainiako Gobernuak ez badio Eusko Jaurlaritzari bizitzeko gutxieneko diru-sarreraren transferentzia osorik ematen, "dena pikutara joango da".
Radio Euskadiren "Boulevard" saioan egin dioten elkarrizketa batean, Sanchezen gobernuak egindako lehen proposamena (eskumena denbora baterako eskualdatzea, gero luzatzeko aukerarekin) errefusatu du buruzagi jeltzaleak: "Gutxieneko diru-sarrera epe mugatu batez eskualdatzea ez da transferentzia bat. Ez da adostutakoa, ezta Gernikako Estatutuan jasotakoa ere", azpimarratu du
Arazoa Escriva ministroa ote den galdetuta, baiezkoa erantzun du Ortuzarrek: "Oztopo ministroa da, baina ez bakarrik gurekin".
Lan erreforma ahotan, bestalde, Ortuzarrek argitu du EAJk 'ez' bozkatuko duela lan erreforman EAEko hitzarmenak lehenesten ez badira. "Ez da abstentzio teknikorik izango, eta ez dugu ezikusiarena egingo, ezezkoa izango da". Nabarmendu du hala jakinarazi diola berak negoziazio mahaiko kide guztiei: "Denek jakin badakite EAJk 'ez' bozkatuko duela".
Horren hitzetan, jeltzaleek "baldintza bakarra" jarri dute erreformari babesa emateko, "eta ez da zaila": EAEko lan esparrua Espainiako Estatuaren gainetik jartzea, eta "lege gisa" onartzea. "Aurretik ere indarrean egon zen prebalentzia hori, eta ez zen mundua erori", arrazoitu du.
Ustelkeriagatik ikertutako Jose Luis Erezuma EAJren Alonsotegiko alkate ohiak eta beste auzipetu batzuek lortutako akordioa ere hizpide hartu du Ortuzarrek. Aitortu du "lastima" sentitzen duela, baina, "larritasuna kendu barik, nik ez nuke ustelkeria deituko, praktika txar bat da, irregulartasun bat, gauzak ez dira horrela egin behar. Baina, egia esan, inor ez da legez kontra aberastu. Txapuza bat egin zuten beste zerbait konpondu nahian".
Zure interesekoa izan daiteke
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.