Madrilgo Justizia Auzitegi Nagusiak tramitera onartu du musukoen bi komisionistaren kontrako kereila
Madrilgo Justizia Auzitegi Nagusiak tramitera onartu du Ustelkeriaren aurkako Fiskaltzak Luis Medina Abascal eta Alberto Javier Luceño enpresaburuen aurka jarritako kereila, pandemiaren hasieran Madrilgo Udalari osasun-materiala saltzean maula astundua, dokumentuak faltsutzea eta kapitalak zuritzearen delituak egin zituztelakoan.
Fiskaltzaren dokumentuaren arabera, Luceñok eta Medinak (Feriako dukearen eta Naty Abascalen semeetako bat) 6 milioi euro baino gehiago poltsikoratu zituzten maskara, test eta eskularru kontratuen komisio gisa. Udalak 11,9 milioi euro ordaindu zituen material guztiagatik. Produktuen hasierako saltzaileek eskatutakoa baino askoz prezio garestiagoan saldu ziren gero produktu horiek eta, gainera, eskaintzan agindutakoa baino kalitate eskasa zuten.
Ustelkeriaren aurkako Fiskaltzaren datuen arabera, komisioen diruarekin gama altuko hainbat auto erosi zituzten ikertuek, horien artean Ferrari 812 Superfast bat 355.000 euroren truke, Lamborghini Huracan Evo Spider bat 299.999 euroren truke eta McLaren 720S bat 250.000 euroren truke, baita etxebizitza bat ere Pozuelo de Alarcon udalerrian (Madril) 1,1 milioi euroren truke eta yate bat 325.515 euroren truke.
Madrilgo Justizia Auzitegi Nagusiaren arabera, laster, instrukzioaren esparruan erabakiko diren beste eginbide batzuen artean, magistratuak deklarazioa hartuko die bi kereilatuei, bai eta egitateak argitzeko beharrezkoak diren lekukoei ere.
Zure interesekoa izan daiteke
Etxebizitzaren, segurtasunaren eta mugikortasunaren alorretan elkarlana eskatu dio Insaustik lehendakariari
Imanol Pradalesek Donostiako alkatea hartu du Ajuria Enean, eta hiriko erronka nagusiak aztertu dituzte, etxebizitzari lehentasuna emanez.
Erantzun beharrean, galdetu egin du Mazonek Ikerketa Batzordean, eta bere betiko aitzakiak erabili
Valentziako Gorteetan egindako Ikerketa Batzordean, indarberrituta azaldu da Carlos Mazon Generalitateko jarduneko presidentea, zeinak azalpenak eman baino gehiago galderak egin dituen, eta ohiko akusazioak zabaldu, Aemet eta Pedro Sanchezen kontra. Catarrojan irekita dagoen ikerketari begira, Mazonek esan du berak ez duela Cecopin inongo ardurarik eta ES Alert mezuaren atzerapena ez zela bere erruagatik izan.
Bi kazetarik ziurtatu dute fiskal nagusiak baino lehenago izan zutela Ayusoren bikotekidearen akordioaren berri
‘El País’ egunkariko zuzendariorde ohiak azaldu duenez, bere iturria Madrilgo Erkidegoko Fiskaltzakoa zen.
Arantxa Tapiak hartuko du Sabino Arana Fundazioaren presidentetza, Mireia Zarateren ordez
Iñigo Urkulluk lehendakari zeneko Garapen Ekonomikoko sailburu ohiak kargu sinbolikoa beteko du EAJn, Aitor Estebanek bultzatutako birkonfigurazioaren barruan.
'La base y la cruz' proposamenak irabazi du Erorien Haranari beste esanahi bat emateko proiektuen lehiaketa
Epaimahaiaren arabera, monumentu multzoari eta inguruari buruzko "beste ikuspegi bat" ematen du proiektuak, topaketari eta elkarrizketari bide ematen diolako. Naturak garrantzi handia hartu du espazio berrian.
Feijook Perez Llorca izendatu du Mazon ordezkatzeko hautagai gisa
PPko iturriek jakinarazi dutenez, datozen egunetan deituko dute inbestidura saioa, "Valentziako Erkidegoari ahalik eta azkarren egonkortasuna emateko".
Jon Insausti: "Udalak ez die uko egingo ez plakari ez Rosa Zarraren memoriari"
Donostiako alkateak berretsi egin du Udalak Rosa Zarraren memoriarekin duen konpromisoa, Zarra Poliziaren ekintzaren biktima izan zela aitortu izana baliogabetzeko Esanek egindako eskaeraren ostean. Hain zuzen ere, haren oroimenez jarritako plakari eraso egin diote. Esan sindikatuak erasoa gaitzetsi du azpimarratuz "onartezina" dela, "eta ez duela Ertzaintza ordezkatzen, ezta zintzotasunez defendatzen dugunak ere".
Jaurlaritzak Edurne Egaña aholkulari izendatu du, EKPren zuzendari kargutik kendu eta biharamunean
Egaña hainbat auzibidetan egon da nahastuta, Donostiako portuko amarralekuak esleitzeko prozesuetan egon diren ustezko irregulartasunengatik. Alderdi Popularrak aurreratu du izendapena Eusko Legebiltzarrera eramango duela eta erantzukizun politikoak eskatuko dituela.
Pradales lehendakariak gazteak indarkeria baztertzearen garrantziaz jabetzearen beharra azpimarratu du
Imanol Pradales lehendakariak Euskadiko terrorismoaren eta legez kanpoko poliziaren indarkeriaren "garai ilunak" ezagutu ez zituzten gazteei adierazi nahi izan die indarkeriak ez duela "lekurik gure gizartean", eta "sufrimendu amaigabea" baino ez duela ekartzen. Pradales izan da buru Memoriaren Euskal Institutuak, Gogora Institutuak, Memoriaren Eguna dela eta antolatu duen ekitaldian.
Indarkeriak ez duela lekurik gazteei transmititzeko beharra nabarmendu du Pradales lehendakariak
Memoriaren Egunaren harira Gogora Institutuak antolatutako ekitaldian, "akatsak ez errepikatzeko" iraganetik ikasi behar dela azpimarratu du lehendakariak. Halaber, ohartarazi du demokrazia eta giza eskubideak ez daudela ziurtatuta.