Burujabetzaren aldeko aldarrikapen eguna egingo dute ekainaren 5ean: Amaiurraldia
Nafarroa Berriz Altxa plataformak agerraldia egin du gaur Amaiurko gaztelua izan zenaren oinean datorren ekainaren 5rako antolatu duten Amaiurraldia izeneko ekitaldia aurkeztu eta, 500 urteren ostean, oraindik ere Nafarroako eta Euskal Herri osoko herritarrek burujabetzarako beharra dutela aldarrikatzeko.
Iragarri dutenez, Amaiurraldia oroitzapenerako eta aldarrikapenerako eguna izango da, iragana gogoan edukiko duena, baina gaurkotasun handikoa ere, "jokoan baitago egunero eragiten dizkiguten erabakiak non eta nork hartzen dituen".
Gogoratu dute 500 urte igaro direla Amaiurko zelaietan nafarrek Gaztelako tropen aurka bataila galdu zutela, eta, horrekin batera, euren burujabetza. Halere, pasarte hori ez dute gogora ekarri modu nostalgikoan, baizik eta ahalduntze kolektiboen eta autodeterminazioaren aldarrikapen gisa: "Amaiurko batailaren urtemuga gure iruditegian gorriz markatuta dugu nafar subiranista eta independentistok, 1512ko konkista odoltsu hartatik bederatzi urtera, Nafarroako Erreinua berreskuratzeko hirugarren saiakera izan baitzen".
Besteak beste, XXI. mende honetako arazoei aurre egiteko eta errepublika aske bat eraikitzeko euskal herritarren burujabetza berreskuratzea funtsezkoa dela adierazi dute gaur. Horretarako, Amaiurraldia antolatu dute Nafarroa Berriz Altxa plataformakoek datorren ekainaren 5rako. Jaia eta errebindikazioa uztartuko duen egun horretan, Amaiurko gaztelutik abiatuta, ibilaldia egingo dute Arizkuneraino, nafartarrak martxan daudela irudikatzeko. Ondoren, festa giroa nagusi izango da, Elizondon. Bestalde, azpimarratu dutenez, ekitaldiok bailara horretan gauzak egiten diren bezala antolatu dituzte: "Auzolanean, bertako bizilagun eta herri mugimenduekin elkarlan bat sortuz".
Aldarrikapenerako egun horren ostean, hausnarketarako fase bat abiatuko dutela iragarri dute plataformako kidek, mugimendu gisa, euren ibilbidea bideratu eta nora joan nahi duten erabakitzeko.
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".