Autogobernuaren etorkizuna Legebiltzarreko taldeen esku dagoela ziurtatu du Urkulluk
Iñigo Urkullu lehendakariak ostiral honetan Eusko Legebiltzarreko kontrolerako saioan esan duenez, autogobernuari buruzko lantaldea berriro martxan jartzea taldeen esku dago. Hala ere, joan den martxoan egindako hausnarketa berretsi du, hori egitea beharrezkoa den ala ez galdetuta, azken legegintzaldietan asko aurreratu baita arlo horretan. Halere, ildo horretan Eusko Legebiltzarrak bere lanei berriro ekitearen alde agertu da.
Hala adierazi du lehendakariak Elkarrekin Podemos-EBko Miren Gorrontxategi legebiltzarkideak egindako galderari. Horren arabera, autogobernuaren afera jada ez dago gobernuaren agenda politikoaren barruan; hala ere, gaur egun bizi ditugun krisiak gogoratuta, zalantzan jarri du Eusko Jaurlaritzak bere esparru juridikoaren barruan behar besteko tresnak ote dituen "zibilizazio-aldaketa" eragingo duten egoera koiuntural horiei guztiei aurre egiteko, eta mahai-gainean jarri du autogobernuaren lantaldea berriro martxan jartzea.
"Hainbat gauza ezin direla egin esan da askotan hemen, eskuduntza nahikorik ez dugulakoan. Eta batzuetan, sortzen da zalantza ea hori errealitatea edo aitzakia den", salatu du Gorrotxategik.
Horren aurrean, Urkulluk gogoratu du joan den martxoan esan zuela autogobernuaren lantaldeak proposatutakoa Eusko Legebiltzarrak eztabaidatu eta erabakiak hartu behar dituela, eta, adostasuna lortu eta bideragarritasun instituzionala duela ziurtatuta, herritarrek onartu beharko luketela Legebiltzarrak proposatutako hori, erreferendum bidez.
"Eztabaida hemen eman behar da (Legebiltzarrean). Guri dagokigu adostea eta eredugarriak izatea, eta euskal gizartearen erabakitzeko eskubidea elkargune bihurtzea, eta ez haustura-gune. Oinarri sendoak ditugu alor horretan aurrera egiteko ", defendatu du lehendakariak, eta ponentzia berraktibatzearen alde agertu da, baina taldeei dagokiela azpimarratu du.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.