Itxaso Atutxa: "Arazoa ez daukagu guk, Anduezak dauka eta ez hainbeste PSOEk"
Lehendakariak Estatuaren subiranotasunaren birbanaketaren eta Estatu eredu berri baten alde esandakoen harira ika-mika sortu da azken orduetan Iñigo Urkulluren eta Eneko Andueza PSE-EEko idazkari nagusiaren artean. Azken horrek garrantzia kendu zien atzo adierazpenei eta alderdi barrura egindakoak izan zirela esan zuen, ez lehendakari gisa egindakoak. Ondoren, Urkulluk erantzun zion PSOEk eta EAJk adostua dutela autogobernu gehiago lortzea.
Euskadi Irratiko "Faktoria" saioan egin dioten elkarrizketan, Itxaso Atutxa EAJren Bizkaiko Buru Batzarreko presidentea Eneko Anduezari zuzendu zaio, eta azpimarratu du lehendakariak lehendakari moduan hitz egiten duela. Atutxak galduta ikusten du Andueza eta gogorarazi dio bere alderdiko idazkari nagusi den Pedro Sanchezek EAJrekin 2019ko abenduan sinatu zuela subiranotasunaren alde lan egitea eta legeak aldatu behar badira ere horretan lan egitea. "Arazoa ez daukagu guk, Anduezak dauka eta ez hainbeste PSOEk" gehitu du.
EAJren eta PSE-EEren arteko desadostasunen inguruan galdetuta, buruzagi jeltzaleak nabarmendu du bi alderdien artean egiten dituzten batzarretan ez dagoela horrelako girorik, eta nolabait ikusgarritasuna irabazteko egiten dituztela horrelako deklarazioak.
2023ko udal eta foru hauteskundeen osteko aliantzen inguruan bere ikuspuntua zein den azaldu du. Zaila ikusten du EAJk berak bakarrik gehiengo osoak lortzea eta, hortaz, lehen aukera PSE-EE izan beharko litzatekeela uste du, "edukazioz bada ere". Gainera, akordio orokorrak egitea lehenetsi du.
EITB Taldeko hedabideek Nafarroako boto asmoari buruz argitaratutako EITB Focus inkesta ere hizpide izan du Itxaso Atutxak. Alde batetik, kezkatuta agertu da Vox erakundeetan sartzea aurreikusten duelako inkestak. Bestetik, urtebeteren faltan, Geroa Bai bere horretan mantentzen dela aipatu du, nahiz eta apur bat behera egin. Iruñeko Udalari begira, berriro ere UPNk eta PSNk alkatetzarako akordioa egin dezaketela ohartarazi du.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.