Osakidetza
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Osasun profesionalei eskatutako gehienezko euskara maila B2 dela erantzun dio Zupiriak Anduezari

Hizkuntza Politikako sailburuak gogorarazi duenez, Osakidetzako plantilla osatzen duten 27.000 lanpostuetatik, "4. Hizkuntza Eskakizuna (HE) soilik euskararen zaintzaren ardura duten profesionalei eskatzen zaie: 20 inguru".
Bingen Zupiria. Irudia: EITB Media
18:00 - 20:00
Zupiriak Anduezari: 'Osasun profesionalei eskatutako gehienezko euskara maila B2 da'
author image

EiTB Media

Azken eguneratzea

Bingen Zupiria Eusko Jaurlaritzako Kultura eta Hizkuntza Politikako sailburuak uste du PSE-EEko idazkari nagusi Eneko Anduezak "esandakoen atzean, agian, gaiaren ezagutza eza" dagoela. Sailburuak azaldu duenez, lanpostua lortzeko hizkuntza-eskakizuna egiaztatu behar duten Osakidetzako osasun profesionalen kasuan, eskatutako "gehienezko" maila B2 da (2. HE). Horrek esan nahi du osasun-arloko lanpostu "bakar batean ez" direla eskatzen edo baloratzen C1 (EGA) edo C2 (4. HE)

Anduezaren arabera, "ezin dugu espero lanpostuak betetzeko mediku guztiek 4. hizkuntza eskakizuna izatea", eta "hamarreko osasun sistema bat izatea, bertan sartzea eragozten duten exijentziak baditu". 

Hizkuntza Politikako sailburuak ohar batean gogorarazi duenez,  Osakidetzako plantilla osatzen duten 27.000 lanpostuetatik, "4. Hizkuntza Eskakizuna (HE) soilik euskararen zaintzaren ardura duten profesionalei eskatzen zaie: 20 inguru" (5 itzultzaile eta 15 euskara-teknikari inguru).

"Ez hori bakarrik, C1 profila egiaztatuta duten milaka mediku daude, eta egiaztapen horrek ez die puntuazio edo balorazio handiagorik ematen", erantsi du.

"Andueza jaunaren baieztapenek gaur ez dagoen kezka sor lezakete"

Sailburuaren ahotan, "Osakidetzako hizkuntza-eskakizunen araubideak ez du lan-arloko gatazkarik sortzen profesionalen artean, progresibotasun-printzipioak gidatu duen normalizazio-araubidea baita".

Horregatik, "Andueza jaunaren baieztapenek gaur ez dagoen kezka sor lezakete", kritikatu du.

Hizkuntza eskakizuna dagoen lanpostuetarako,  euskararen ezagutzari dagokionez, Zupiriak errealitate soziolinguistikoa eta osasun-arretaren mota irizpideak aplikatu direla ziurtatu du.

Azkenik, sailburuak adierazi du "pazienteak artatzeko osasun-zerbitzuetako lanposturik ez da geratu euskara eskatzearen ondorioz bete gabe". "PSEko idazkari nagusiaren adierazpenek alarma larria eragin lezakete, horretarako arrazoirik ez dagoen egoeran", errepikatu du.

 

Zupiriak Anduezari: 'Osasun profesionalei eskatutako gehienezko euskara maila B2 da'
Politika EAJ-PNV Euskara Osakidetza Eusko Jaurlaritza PSE EE Eguneko Titularrak Eneko Andueza

Albiste gehiago politika

(Foto de ARCHIVO) La secretaria de Estado de Industria, Rebeca Torró, interviene durante la inauguración de la IV edición del Foro ANFAC ‘Juntos hacia el futuro’, a 20 de febrero de 2024, en Madrid (España). La Asociación Española de Fabricantes de Automóviles y Camiones (ANFAC), con la colaboración de Grant Thornton y MAPFRE, celebra la cuarta edición del Foro ANFAC, bajo el lema ‘Juntos hacia el futuro’. El evento se establece como punto de referencia para debatir sobre el futuro de la movilidad en España en un momento decisivo para la industria de la automoción. Cada año, ANFAC reúne a los máximos actores de la automoción española, así como de otros sectores relevantes en el nuevo ecosistema de la movilidad del futuro como el energético, componentes, telecomunicaciones, seguros o banca, entre otros. Alejandro Martínez Vélez / Europa Press 20 FEBRERO 2024;MONCLOA;ANFAC;AUTOMOVIL;AUTOMOCIÓN 20/2/2024
18:00 - 20:00
ZUZENEAN
Duela  min.

Rebeca Torro, PSOEko Antolakuntza idazkari berria

Santos Cerdan ordezkatuko du alderdiko hirugarren kargu garrantzitsuenean, alderdiak jakitera eman dutenez. Halaber, Sanchezek alderdiaren Erakundearen hiru ondoko izendatu ditu, bi gizon eta emakume bat.

Bolaños-efe
18:00 - 20:00
ZUZENEAN
Duela  min.

'Begoña Gomez auzia'-n Gorenak Bolaños ikertzearen aurka agertu da Fiskaltza

Juan Carlos Peinado epaileak Felix Bolaños Presidentzia, Justizia eta Gorteekiko Harremanetarako ministroa ikertzea eskatu zuen, lekukotza faltsua eta dirua bidegabe erabiltzea egotzita, baina Prieto fiskalak uste du epailearen azalpena ez dagoela behar bezala arrazoituta eta oinarrituta eta Onarpen Aretora bideratu du eskaera.

Gehiago kargatu