PPk gehiengo absolutua lortu du Andaluzian, PSOEk emaitzarik txarrena lortu du eta Cs desagertu egin da
PPk garaipen ukaezina lortu du ekainaren 19ko hauteskunde autonomikoetan; botoen ia % 100 zenbatuta, horien % 42a jaso dute popularrek, eta, hala, 58 diputatu lortu dituzte, gehiengo osoa lortzeko beharrekoa baino bi gehiago. PSOEk, aldiz, inoizko emaitzarik txarrena izan du (31 eserleku), eta Ciudadanos (Cs) Parlamentutik kanpo geratu da.
PPk eserlekuen bikoitza baino gehiago lortu ditu hautestontzietan 2018ko hauteskunde autonomikoekin alderatuta; orduan, 26 diputatu eta botoen % 20,8 lortu zituen. Halaber, Andaluziako alderdiaren muga guztiak gainditu ditu, Javier Arenasek bakarrik irabazi baitzituen 2012an hauteskunde autonomikoak, 50 eserlekurekin. Hala, popularren hautagai Juanma Morenok garaipena ospatu eta azpimarratu du, modu horretan, "Andaluziak gobernu moderatu bat" izango duela, "andaluziar guztientzat".
PSOEk okerrera egin du, eta PPtik 15 eserleku baino gehiagora geratu da, 30 diputaturekin. Ildo horretan, hautagai sozialista Juan Espadasek onartu du bere alderdia ez dela gai izan ezkerreko hautesleak erakartzeko, eta hitzeman du, bihartik aurrera, andaluziarren konfiantza berreskuratzeko lanean hasiko dela lau urte barru Gobernuan egoteko.
Voxek hirugarren indar politiko gisa errepikatu du, eta, PPrekin batera, botoen eta eserlekuen hazkundea izan duen alderdi bakarra izan da, 14 izatera iritsi arte, gaur egun baino bi gehiago. Horren harira, Macarena Olona hautagai ultraeskuindarrak adierazi du emaitza hobeak espero zituela, baina nabarmendu du "agerikoa" dela bere alderdiak gora egin duela; haren esanetan, gelditzeko etorri da Andaluziara.
Ciudadanosek izan du atzerakadarik handiena; izan ere, botoen % 3,2rekin Andaluziako Parlamentutik kanpo geratu da. Duela hiru urte eta erdi, 21 diputatu lortu zituen PPren gobernukide izateko. Juan Marin buruzagiak dimisioa eman du gaur gauean.
Ezkerreko beste indarrak, Por Andalucía eta Adelante Andalucía, oso urrun geratu dira 2018an elkarrekin lortutako 17 eserlekuetatik; lehenengoak, bost eserleku lortu ditu Inmaculada Nietoren eskutik, eta, bigarrenak, berriz, hiru Teresa Rodriguezen gidaritzapean.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.