Yolanda Diazek bultzatutako Sumar plataformak babes zabala jaso du bere lehen ekitaldian
Yolanda Diaz Espainiako Gobernuko bigarren presidenteordeak bultzatutako Sumar plataformak babes zabala jaso du bere aurreneko ekitaldi politikoan. PSOEren alternatiba izan nahi duen ezkerra berrantolatzeko ekimenaren estreinakoan, herritar ugarik, gizarte eragileen ordezkari askok, kultura eta gobernuz kanpoko erakundeetako pertsonak eta ordezkari politiko mordoak parte hartu dute, baina alderdiko buruzagirik ez da izan aurkezpenean.
Madrilgo Matadero kultura zentroan, sendotasuna azaldu du Diazen plataforma berriak. Oinarri aurrerakoiak mobilizatu eta Unidas Podemosen esparrua zabaltzeko aliantza berriak sortu nahi ditu plataformak.
Deialdiak ikusmin handia piztu du; izan ere, sartzeko ilara luzeak izan dira inguruetan. Horrela, entzute prozesu eta adituekin zein herritarren ordezkariekin kontsulta fasea abiatu du plataformak. Espainia osotik sei hilabeteko bira egingo du ekimenak.
Epe hori amaitzen denean, hautagaia izango den ala ez erabakiko du Diazek. Hala ere, hautagaitza kolektiboa izango da, barne-hauteskunde prozesu baten bidez.
Parte-hartzeak aurreikuspenak gainditu ditu; izan ere, 1.500 eserleku prestatu dituzte, baina Diazen jarraitzaileek Mataderoko plaza lepo bete dute. Antolatzaileen arabera, 5.000 pertsona baino gehiago bildu dira.
Diazek aldarrikatu duenez, Sumar "ez doa siglez edo alderdiez", herritarren "protagonismorako" mugimendu bat sortzeaz baizik, modu kolektiboan, politika erabilgarria berreskuratzeko eta etsipenean ez erortzeko.
"Ez dut etsiko. Aurrerapauso bat ematen dut, baina baldintza batekin, herritarren mugimendu horretan beste pieza bat naizela, baina zuek nahi baldin baduzue bat egingo dut", adierazi du aurreneko ekitaldian.
"Protagonismoa zuena da, zuek batuko dituzue indarrak. Herrialde aldatzeko erronka dugu… hau ez doa siglez, ezta alderdiez ere, inteligentzia kolektiboaz baizik", agindu du.
Pausoa une "zailean" heltzen denaren jakitun dela onartu du Diazek, kalean nabaritzen duen bezala, eta inkesten arabera, herritarrak politikarekin nazkatuta daudelako. Presidenteordearen ahotan, herritarrak hurbiltzen zaizkionean "triste daude, politikak ezertarako balio ez dielako" eta "bazterrean laga dutelako".
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".