Andueza: "Eskubideen eta aberriaren artean, nazionalistek beti bigarrena nahiago dute"
Eneko Andueza PSE-EEko idazkari nagusiak kritikatu duenez, "eskubideen eta aberriaren artean, hau da, herritarren bizitza hobetzearen eta eskumenen banaketa eztabaidatzearen artean, nazionalistek beti bigarrena nahiago dute". Horren aurrean, Anduezaren hitzetan, "aurrera egiteko gaitasuna erakutsi du Espainiako Gobernu sozialistak, ideiekin eta ausardiaz, agenda progresista batekin, Estatuaren Egoerari Buruzko Eztabaidan ageri geratu zenez".
Zarauzko Ezkertokiaren 40. urteurrenaren harira, Gipuzkoako udalerri horretan egindako ekitaldi politikoan egin ditu Anduezak adierazpen horiek. Jose Ignacio Asensio Gipuzkoako PSE-EEko idazkari nagusia eta Gloria Vazquez Zarauzko PSE-EEko idazkari instituzionala ere bertan izan dira.
Estatuaren Egoerari Buruzko Eztabaidan Pedro Sanchez Espainiako Gobernuko presidenteak iragarritako neurriak txalotu ditu Anduezak, "Ukrainako gerraren ondorioak leuntzeko eta langileak babesteko" baitira. "Aurrera egiteko gaitasuna erakutsi du Espainiako Gobernuak, ideiekin eta ausardiaz, agenda progresista batekin, Estatuaren Egoerari Buruzko Eztabaidan ageri geratu denez", gaineratu du.
Bestalde, PPri eta alderdi nazionalistei egotzi die "euren erresistentziekin eta zalantzekin, asmo alderdikoiak lehenetsi nahi" izatea. Anduezaren esanetan, pandemia garaian eta Ukrainako inbasioaren ostean, babesak "nekez eman dira, edo faltan izan dira, EAJk eta EH Bilduk lan-erreformaren aurka bozkatu zutenean bezala".
Hori dela eta, "ziurgabetasun energetiko eta ekonomiko honetan, planteamendu progresisteei emandako bultzada" azpimarratu du, eta "herritar ahulenak babesteko politikak egitea" defendatu du. "Idoia Mendia lehendakariordeak sustatutako Diru-Sarrerak Bermatzeko Errentaren erreforma" aipatu du horren adibide gisa.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.