Lehendakariak fiskalitatean "oso arduratsuak" izatearen alde egin du
Autonomien arteko zergen lasterketa betean, Iñigo Urkullu lehendakariak fiskalitatean "oso arduratsuak" izatearen, eta erabakien ondorioak "oso ondo" neurtzearen alde egin du. Bere ustez, lehenik eta behin, duela lau urte onartutako erreformaren emaitzak zorrotz ebaluatu behar dira. "Ondo funtzionatzen ari da", esan du.
Bestalde, Euskal Autonomia Erkidegoko "egonkortasunaren, adostasunaren, ziurtasunaren eta progresibotasunaren balioa" azpimarratu du.
Urkulluk "Forbes Summit Reinventing Euskadi Basque Country" topaketa inauguratu du Bilboko Azkuna Zentroan. Nabarmendu duenez, agertoki ekonomiko berriak Euskadiren 2022ko "erresilientzia" egiaztatzen du, eta 2023rako "zurrunbiloak" aurreratzen ditu.
Lehendakariak adierazi du administrazio publikoa "inflazioaren ondorio gaiztoek" baldintzatzen dutela, pandemiaren ondorioekin batera, "gastu handiagoak" dakartzalako. Diru sarrerei dagokienez, sektore publikoak "ezin ditu aurreikusitako hazkundeak espero, inflazioak eragile sozioekonomikoen errenta gutxitzen baitu".
Urkulluk azaldu duenez, sektore publikoak ere diru sarrera gutxiago ditu gero eta handiagoak diren gastuei aurre egiteko. Horregatik, "fiskalitateak, aberastasuna banatzeko politikak, gure errealitatearen arabera eta bere denbora testuinguruan, lortu nahi ditugun bi helburuen zerbitzura jarraitu behar du: herritarrentzat funtsezkoak diren zerbitzu publikoen iraunkortasuna bermatzea eta jarduera ekonomikoa eta enplegu-aukeren sorrera bultzatzea", berretsi du.
Lehendakariak uste du inflazioari erantzuteko "EBren eta bere erakundeen ekintza koordinatuak" behar direla, nahiz eta Euskadik "bere erantzukizuna eta erantzuteko gaitasuna izan". "Inflazioa fenomeno globala" dela esan du, baina Euskadik bere eraginak arintzeko tresnak ditu", besteak beste, autogobernua.
Josu Erkoreka lehendakariorde eta Segurtasun sailburuak ETB1eko "Egun On Euskadi" saioan nabarmendu duenez, EAE ez da lasterketa fiskalean sartuko. Espainiako Gobernuak autonomia erkidegoen artean zergak bateratzea erabakiko balu, Eusko Jaurlaritzak bere eskumenak ez urratzea eskatuko lukeela gaineratu du.
Albiste gehiago politika
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.