JxCatek Gobernu koalizioa hautsi du, eta oposiziora igaroko da
JxCateko militanteek Kataluniako Gobernutik alde egitea erabaki dute. Ondoren, alderdiko zuzendaritzak militantziaren erabakia bere egin du, eta koalizio Gobernua haustea erabaki du. Beraz, ERC bakarrik utzi eta oposiziora igaroko da.
JxCatek Kataluniako Gobernuko kide izaten jarraitzea nahiago duten galdetu die militanteei ostegunean eta ostiralean egin den barne galdeketan. Hain zuzen ere, hauxe izan da galdera: "Nahi al duzu Juntsek Kataluniako Gobernuko kide izaten jarraitzea?".
Honenbestez, Juntseko militanteek ERCrekin koalizioa haustea erabaki dute. Ohar baten bidez, alderdiak iragarri du ezezkoak % 55,73ko babesa lortu duela; baiezkoak, % 42,39; boto zuriak % 1,88 izan dira. Boto eskubidea zuten 6.465 militanteen % 79,18k parte hartu dute bozketan.
17:30ean, alderdiaren zuzendaritza bilduko da, emaitza hori aztertzeko. Emaitzak ERCren eta Juntsen arteko ituna hausten du Generalitatean, eta ondorioak izan ditzake Laura Borras eta Jordi Turull buru dituen alderdian.
Quim Torra Generalitateko presidente ohiak Twitter sare sozialean ospatu du emaitza: "Zorionak".
Pere Aragones Generalitateko presidenteak errefusatu egin zuen Juntsen azken proposamena bi alderdien artean (JxCat eta ERC) sortutako krisiari konponbidea emateko, Jordi Puignero berriz ere presidenteorde izendatzeari uko egin bazioten ere.
Laura Borras JxCateko presidenteak adierazi du Pere Aragones Generalitateko presidenteak "zilegitasun demokratikoa" galdu duela, koalizio-gobernu baten buru izateko saiakeran "porrot" egin duelako, eta Parlamentuan konfiantza-galde egitea eskatu du. Hala adierazi du Jordi Turull JxCateko idazkari nagusiaren ondoan emandako prentsaurrekoan.
"Juntsek irabazi egiten du eta Pere Aragonesek galdu", adierazi du Borrasek, orain ERC bakarrik osatzen duen Exekutiboa "porrot egin duen Gobernua da, zilegitasun demokratikoa galdu duena eta PSOErekin akordioak lehenetsi dituena".
Borràsen arabera, "agian Pere Aragonesek kontsulta bat egin beharko du Kataluniako Parlamentuan, bere legitimitate demokratikoa ere zalantzan jarri delako".
Emaitzaren balizko ondorioak
Lehenengo ondorioetako bat izango da -ustekaberik ezean- Jordi Puignero Gobernuko presidenteorde kargutik kendu ondoren Kataluniako Gobernuan geratzen diren JxCateko sei kontseilarien berehalako dimisioa: Jaume Giro (Ekonomia eta Ogasuna), Victoria Alsina (Kanpo Ekintza eta Gobernu Irekia), Gemma Geis (Ikerketa eta Unibertsitateak), Josep Maria Argimon (Osasuna), Lourdes Vellero (Justizia) eta Violant Cervera (Eskubide Sozialak.
Turullek jadanik, prentsaurrekoan, ziurtatu du kontseilariek dagoeneko jakinarazi diotela Generalitateko presidenteari karguari uko egingo diotela. "Jakinarazi dute, eta arratsaldetik ari dira karguari uko egiten", azaldu du idazkari nagusiak.
Emaitzak galdera ugari uzten ditu, eta datozen egunetan argitu beharko dira, besteak beste, Aragonesek gobernatzen jarraitzeko modua, une honetan Parlamentuko 135 diputatuetatik 33ren babesa baino ez duen Gobernu batekin.
Aragonesek aurreratu du ez dituela hauteskundeak aurreratuko, nahiz eta JxCat Kataluniako Gobernutik atera, eta, beraz, ziurrenik comunei (zortzi eserleku dituzte) eskua luzatuko die babes parlamentarioa zabaltzeko, nahiz eta ez diren nahikoak gehiengo osora hurbiltzeko (68 diputatu).
Salvador Illak zuzentzen duen PSCk (ganberako talde nagusia; ERCrekin 33 eserlekurekin berdinduta dago) dagoeneko bermatu du, edozein kasutan, Aragonesi bere burua eskaintzen jarraituko diola, Generalitatearen 2023rako aurrekontuak aurrera ateratzeko.
Orain arte, Aragonesek uko egin dio sozialisten babesari, PSCren botoen gatibu ez geratzeko eta Pedro Sanchezen Gobernuaren aurrean maniobratzeko gaitasuna ez galtzeko, baina JxCaten irteerak aukera eman diezaioke, ordea, Parlamentuan "geometria aldakorra" aplikatzeko.
Zentzu horretan, Pedro Sanchez Espainiako Gobernuko presidentea Generalitatearen egonkortasuna erraztearen alde agertu da. Espainiako gobernuburuak azpimarratu duenez, egungoa bezalako une zailetan, Ukrainako gerraren eta koronabirusaren pandemiaren ondorio ekonomiko eta sozialen aurrean, "egonkortasuna funtsezkoa da".
"Elkarrizketaren aldeko apustu garbia da. Hor egongo dira Espainiako Gobernua eta sozialismo espainiarra eta katalana ", ziurtatu du.
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.