Itxaso Atutxa: "Arriskutsua da esatea Osakidetza desegiten ari dela, datu bakar bat ere eman gabe"
Osakidetzaren "hondatzea" salatzeko larubat honetan EAEko hiriburutan izandako manifestazio jendetsuenen ostean, Itxaso Atutxa Bizkaiko EAJko presidenteak ukatu egin du Osakidetzaren desegitea eta pribatizazioa. Radio Euskadiko "Crónica de Euskadi Fin de Semana" irratsaiori egindako adierazpenetan, Atutxak borroka politikoa ekiditeko eskatu du, eta hitzak ondo aukeratzeko eskatu die sindikatuei. "Ez dago lan-prekarietaterik, mediku falta baizik", gaineratu du.
Itxaron-zerrendak luzeak direla aitortu du Atutxak. "Batzuetan gure osasun zentrora deituta, ez digute telefonoa hartzen, baina Estatuko itxaron-zerrendarik laburrenak" ditugula gaineratu du.
Bestalde, Gernikako Estatutuaren balizko erreformaren inguruan, Bizkaiko EAJko buruak esan du ez duela Madrilen eta Espainian "egoera politiko behar bezain lasairik" ikusten, baina "egunen batean Kongresura iristea" espero duela. "Hori zailtzen duen bi bloke handien arteko talka dago", adierazi du. Beraz, "igerilekuan ur pixka bat egon arte itxaron behar dugu, egun minimoen azpitik baitago", ondorioztatu du.
Ines Arrimadas Ciudadanoseko diputatuak euskal kupo eta kontzertu ekonomikoari buruz esandakoaren harira, "interpretazio erabat bidegabea" dela uste du Atutxak. Euskal fiskalitateak "ez ditu pribilegiorik ekartzen: bi aldeen arteko ituna da, baina arriskua aldebakarrekoa da, euskal gizartearena, alegia".
Bukatzeko, EAJren buruzagiak "erantzunkidetasuna" eskatu die enpresei, banketxeei eta gizarteari, eta bereziki Kutxabank bezalako erakundeei, mozkin handiak iragarri berri dituelako, banketxeei ezarritako zergaren aurkako helegitea aurkeztu ostean.
Zure interesekoa izan daiteke
Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak Picassoren obra Euskadira berme guztiekin eramateko baldintza egokiak zeintzuk diren berri izatea baino ez du eskatzen. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten, ez aitarekin ez inorekin"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garain, musukoak erosteko lehiaketa publikoetatik irabaziak ateratzea leporatuta, 24 urte arteko kartzela zigorrak eskatu ditu fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".